Aypril 29–May 5
PSALMS 34-35
Sang 10 ahn Pryaa | Inchrodokshan (1 min.)
1. “Prayz Jehoava Aal di Taim”
(10 min.)
Dayvid mi prayz Jehoava eevn wen hihn mi-di goh chroo chraiyalz (Ps 34:1; w07-E 3/1 22 ¶11)
Dayvid neva prayz ihself, ih mi aalwayz prayz Jehoava (Ps 34:2-4; w07-E 3/1 22 ¶13)
Dayvid mi schrentn ih frenz wen ih mi prayz Jehoava (Ps 34:5; w07-E 3/1 23 ¶15)
Afta Dayvid mi lef fahn weh Abimelek mi deh, 400 man weh neva laik how Saal mi-di rool mi gaahn wid ahn eena di wildanes. (1Sa 22:1, 2) Wen Dayvid mi-di rait Psalm 34, ih ku bee dat hihn mi-di tink bowt dehndeh saym man.
AKS YUSELF, ‘Da di neks kangrigayshan meetin, how Ai ku prayz Jehoava wen Ah di taak tu sohnbadi?ʼ
2. Spirichwal Chrezhaz
(10 min.)
-
Ps 35:19—Weh ih meen wen Dayvid mi aks Jehoava fi noh mek dehn wan weh hayt ahn “wink dehn aiy aata” ahn? (w06-E 5/15 20 ¶2)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ps 34:1-22 (th stodi point 5)
4. How fi Staat Wahn Kanvasayshan
(2 min.) PREECH ENITAIM. Di kanvasayshan weh yu mi-di ga wid wahn persn en aaf bifoa yu kuda mi witnis tu ahn. (lmd lesn 1 point 4)
5. How fi Mek Ritern Vizit
(4 min.) PREECH ENITAIM. (lmd lesn 2 point 4)
6. How fi Eksplayn Weh Yu Bileev
(5 min.) Demonschrayshan. ijwfq-E 59—Teem: How Jehoava Witnisiz Ku Noa Weda er Nat Dehn Ku Selibrayt Wahn Haliday? (th stodi point 17)
Sang 59
7. Chree Wayz How Wi Ku Prayz Jehoava Da di Meetinz
(15 min.) Diskoshan.
Da di meetin dehn, dehn ga lata wayz how wi ku prayz Jehoava. Dehnya da som a dehn.
Wen wi di taak tu adaz: Wen yu di taak tu adaz, tel dehn how gud Jehoava gud. (Ps 145:1, 7) Yu mi hyaa er reed wahn spesifik point weh mi help yu? Yu mi ga wahn gud ekspeeryens eena servis? Sohnbadi mi inkorij yu bai weh dehn seh er du? Yu mi si eniting eena kriyayshan weh impres yu? Aala dehnya tingz da wahn gif fahn Jehoava. (Jay 1:17) Chrai yu bes fi reech erli da meetin soh dat yu ku ga taim fi taak tu adaz.
Wen yu di gi wahn koment: Wen yu goh da meetin, chrai fi giv at lees wan koment. (Ps 26:12) Yu ku ansa di kweschan er koment bowt sohnting simila. Yu ku eevn koment pahn wahn skripcha, wahn picha, er seh how yu ku yooz di infamayshan eena yu laif. Bikaaz ada peepl wahn waahn koment pan di saym ting weh yu di koment pan, ih wuda gud if yu pripyaa moa dan wan koment. If wi koments da 30 sekants er les, moa bradaz ahn sistaz wahn ku “prayz Gaad.”—Hee 13:15.
Wen wi di sing: Wen yu di sing di sang dehn da di Kingdom Haal, sing dehn wid lata jai. (Ps 147:1) If yu noh geh wahn chaans fi gi wahn koment da evri meetin, yu ku stil prayz Jehoava wen yu sing di sang dehn. Eevn if yu feel laik yu kyaahn sing soh gud, du yu bes ahn yu wahn mek Jehoava hapi! (2Ko 8:12) Yu ku pripyaa fi sing di sang dehn wen yu praktis fahn hoam.
Play di VEEDYO weh naym Wi Hischri Deh Pan Di Moov—Di Gif a Sang, Paat 1. Den aks di aadyans:
Eena di paas, how wi mi shoa dat ih impoatant fi sing tu Jehoava?
8. Kangrigayshan Baibl Stodi
(30 min.) bt chap. 9 ¶1-7, inchrodokshan tu sekshan 3, ahn di baks pahn payj 70
