Maach 4-10
PSALMS 16-17
Sang 111 ahn Pryaa | Inchrodokshan (1 min.)
1. “Jehoava, Evriting Gud Weh Ah Ga Kohn Fahn Yoo”
(10 min.)
Wi wahn bee hapi wen wi ga frenz hoo serv Jehoava (Ps 16:2, 3; w18.12 26 ¶11)
Wi feel hapi wen wi noa dat Jehoava da wi fren (Ps 16:5, 6; w14-E 2/15 29 ¶4)
Jehoava spirichwal protekshan mek wi feel sayf (Ps 16:8, 9; w08-E 2/15 3 ¶2-3)
Jos laik Dayvid, wi injai wahn hapi laif bikaaz wi serv Jehoava, an evriting gud kohn fahn hihn.
AKS YUSELF, ‘How mai laif beta now dan wen Ah mi fers kom eena di chroot?ʼ
2. Spirichwal Chrezhaz
(10 min.)
-
Ps 17:8—Weh di Baibl meen wen ih taak bowt “di senta a yu aiy”? (it-2-E 714)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ps 17:1-15 (th stodi point 5)
4. How fi Staat Wahn Kanvasayshan
(1 min.) HOWS TU HOWS. Aafa di Memoaryal invitayshan. (th stodi point 11)
5. How fi Staat Wahn Kanvasayshan
(3 min.) HOWS TU HOWS. Aafa di Memoaryal invitayshan. Afta di persn shoa dat ih waahn noa moa, inchrojoos ahn diskos di veedyo Memba di Det a Jeezas. (th stodi point 9)
6. How fi Staat Wahn Kanvasayshan
(2 min.) PREECH ENITAIM. Aafa di Memoaryal invitayshan. (th stodi point 2)
7. How fi Mek Disaiplz
Sang 20
8. How Wi Ku Pripyaa fi di Memoaryal?
(15 min.) Diskoshan.
Bikaaz wi waahn obay weh Jeezas koman wi fi du, pahn Sondeh, Maach 24, wi wahn selibrayt di Memoaryal fi memba weh Jeezas mi du fi wi wen ih giv op ih laif fi wi, weh shoa wi humoch Jehoava ahn Jeezas shoa dehn lov fi wi. (Lk 22:19; Jn 3:16; 15:13) Weh wi need fi du fi pripyaa fi dis speshal okayzhan?
-
Du az moch az yu kud joorin di kampayn fi invait peepl tu di speshal taak ahn di Memoaryal. Rait dong wahn lis a peepl weh yu noa, an invait dehn. If som a dehn noh liv eena yu teritori, goh pahn jw.org fi fain owt wen ahn wehpaat dehn ga meetin rong weh dehn liv
-
Chrai du moa eena di minischri joorin Maach ahn Aypril. Yu tink yu ku agzilari painyaa ahn mek eeda 15 er 30 owaz?
-
Pahn Maach 18, staat reed bowt di impoatant tingz weh hapm joorin Jeezas laas week pahn ert. Yu ku yooz di “2024 Memoaryal Baibl Reedin Skejul” pahn payj 6-7 fi si humoch fi reed eech day
-
Pahn di day a di Memoaryal, wach di speshal Maanin Wership proagram pahn jw.org
-
Da di Memoaryal, welkom peepl weh di vizit fi di fers taim ahn bradaz ahn sistaz weh inaktiv. Aafa fi ansa eni kweschanz weh dehn gat afta di Memoaryal. Mek araynjments fi vizit dehn if dehn waahn laan moa
-
Bifoa an afta di Memoaryal, meditayt pahn Jeezas sakrifais
Play di VEEDYO weh naym Memba di Det a Jeezas. Den aks di aadyans:
How wi ku yooz dis veedyo joorin di Memoaryal kampayn?
9. Kangrigayshan Baibl Stodi
(30 min.) bt chap. 6 ¶18-24 ahn di baks pahn payj 48
