Aypril 28–May 4
PRAVERBZ 11
Sang 90 ahn Pryaa | Inchrodokshan (1 min.)
1. Noh Seh Dat!
(10 min.)
Noh seh tingz weh ku hert yu “nayba” (Pr 11:9; w02-E 5/15 26 ¶4)
Noh seh tingz weh ku mek peepl noh geh lang wid wan anada (Pr 11:11; w02-E 5/15 27 ¶2-3)
Noh goh rong di spred ada peepl bizniz (Pr 11:12, 13; w20.03 21-22 ¶12-13)
TINK BOWT DIS: How Jeezas werdz da Look 6:45 help wi fi wach weh wi taak bowt?
2. Spirichwal Chrezhaz
(10 min.)
-
Pr 11:17—Wai ih gud fi bee kain? (g20.1 11, baks)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Pr 11:1-20 (th stodi point 5)
4. How fi Staat Wahn Kanvasayshan
(4 min.) PREECH ENITAIM. Fain wahn way fi tel di persn bowt sohnting weh yu mi laan da meetin. (lmd lesn 2 point 4)
5. How fi Mek Ritern Vizit
(4 min.) PREECH ENITAIM. Yooz wahn veedyo fahn di Teechin Toolbaks. (lmd lesn 8 point 3)
6. How fi Mek Disaiplz
(4 min.) POBLIK WITNISIN. Aafa sohnbadi wahn Baibl stodi ahn shoa dehn how ih werk. (lmd lesn 10 point 3)
Sang 157
7. Noh Yooz Yu Tong fi Brok Op Pees
(15 min.) Diskoshan.
Bikaaz wi noh perfek, sohntaimz wi seh di rang ting. (Jay 3:8) Bot if wi tink bowt di prablemz weh ku kom op if wi seh di rang ting, den dat ku help wi fi noh seh sohnting weh wi sari fa layta. Dehnya da sohn tingz weh ku brok op di pees eena di kangrigayshan:
-
Boasi. Dis da wen wi big op wiself. Dis ku mek ada peepl waahn weh wi gat er chrai bee beta dan wi.—Pr 27:2
-
Lai. Dis noh onli meen noh di tel di chroot bot ih eevn meen di seh sohnting fi mek peepl tink sohnting difrent fahn di chroot. Eevn wahn smaal lai ku mes op wi repyutayshan ahn mek peepl noh chros wi.—Ik 10:1
-
Gasip weh hert. Dis da wen wi jos taak fi taak bowt peepl ahn dehn laif ahn weh wi di seh da noh reeli chroo. Er ih ku aalso meen di taak bowt tingz weh wi noh fi taak bowt.(1Ti 5:13) Dis ku mek peepl staat kwaaril ahn noh geh lang wid wan anada.
-
Wen wi seh tingz wen wi beks. Dis da wen wi seh tingz wen wi beks wid sohnbadi ahn wi noh di kanchroal wi feelinz. (If 4:26) Dis mek evribadi weh involv en op di geh hert.—Pr 29:22
Play di VEEDYO weh naym “Geh Rid” a Tingz Weh Brok Op Pees—Veedyo Klip. Den aks di aadyans:
-
Weh wi laan bowt how eezi ih ku bee fi mek wi brok op di pees eena di kangrigayshan?
Fi si how dehn mi geh bak dehn pees, wach di veedyo weh naym “Werk Haad fi Ga Pees.”
8. Kangrigayshan Baibl Stodi
(30 min.) bt chapta 25 ¶14-21
