May 20-26
PSALMS 40-41
Sang 102 ahn Pryaa | Inchrodokshan (1 min.)
1. Wai Wi Shuda Help Adaz?
(10 min.)
Wen wi help adaz, wi feel hapi (Ps 41:1; w18.08 22 ¶16-18)
Jehoava help peepl weh help adaz (Ps 41:2-4; w15-E 12/15 24 ¶7)
Wen wi help adaz, Jehoava wahn geh di prayz far it (Ps 41:13; Pr 14:31; w17.09-E 12 ¶17)
AKS YUSELF, ‘Ah ku help enibadi eena mi kangrigayshan fi yooz di JW Library ap beta?ʼ
2. Spirichwal Chrezhaz
(10 min.)
Ps 40:5-10—Bays pahn Dayvid pryaa eena dehnya vers, weh wi need fi du wen wi aksep Jehoava az wi Roola? (it-2-E 16)
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ps 40:1-17 (th stodi point 12)
4. How fi Staat Wahn Kanvasayshan
(3 min.) PREECH ENITAIM. Staat wahn kanvasayshan wid sohnbadi weh luk hapi. (lmd lesn 2 point 3)
5. How fi Staat Wahn Kanvasayshan
(4 min.) PREECH ENITAIM. Staat wahn kanvasayshan wid sohnbadi weh luk sad. (lmd lesn 3 point 5)
6. How fi Mek Disaiplz
(5 min.) lff lesn 14 point 6. Diskos wahn point fahn di aatikl “Prayz Jehoava Eena di Kangrigayshan” fahn di “Fain Owt Moa” sekshan wid wahn styoodent weh frayd fi koment da meetin. (th stodi point 19)
Sang 138
7. Mek Wi Du Gud fi Wi Oalda Bradaz ahn Sistaz
(15 min.) Diskoshan.
Jehoava reeli apreeshiayt aal di werk weh wi faytful oalda bradaz ahn sistaz du eena di kangrigayshan, ahn wee feel di saym way tu. (Hee 6:10) Oava di yaaz, dehndeh oalda wanz du wahn lat fi teech, chrayn, an inkorij di bradaz ahn sistaz. Fi shoar yu ku tink bowt wahn lata wayz how dehn help yu. How yoo ku shoa dat yu reeli apreeshiayt aal weh dehn don du ahn weh dehn kantinyu fi du eena di kangrigayshan?
Play di VEEDYO weh naym “Mek Wi Du Gud Fi. . .Wi Bradaz ahn Sistaz.” Den aks di aadyans:
Weh Ji-Hoon mi laan fahn Brada Ho-jin Kang?
Weh yoo laik bowt di oalda bradaz ahn sistaz eena yu kangrigayshan?
Weh lesn wi ku laan fahn Jeezas iloschrayshan bowt di gud Samaritan?
Wai yu tink da mi wahn gud aidyaa dat Ji-Hoon mi aks adaz fi help Brada Ho-jin Kang?
Wen wi tink bowt weh wi oalda bradaz ahn sistaz need, wi ku fain wahn lata wayz how wi ku help dehn. Wen yu si dehn need help, tink bowt weh yoo ku du fi help dehn.—Jay 2:15, 16.
Reed Galayshanz 6:10. Den aks di aadyans:
How yu ku “du gud” fi di oalda bradaz ahn sistaz eena yu kangrigayshan?
8. Kangrigayshan Baibl Stodi
(30 min.) bt chapta 10 ¶1-4 ahn di baks pahn payj 79
