May 27–Joon 2
PSALMS 42-44
Sang 86 ahn Pryaa | Inchrodokshan (1 min.)
1. Mek Gud Yoos a di Inschrokshanz Weh Jehoava Gi Wi
(10 min.)
Tek evri apachooniti weh yu ga fi wership Jehoava lang wid adaz, in persn if pasabl (Ps 42:4, 5; w06-E 6/1 9 ¶4)
Pray bifoa yu reed ahn stodi di Baibl (Ps 42:8; w19.01 18 ¶15)
Mek di Baibl gaid yu eena evriting weh yu du eena yu laif (Ps 43:3)
Di inschrokshanz weh wi geh fahn Jehoava help wi fi deel wid wi chraiyalz ahn kip wi pramis tu ahn.—1Pe 5:10; w16.09-E 5 ¶11-12.
2. Spirichwal Chrezhaz
(10 min.)
-
Ps 42:10, 11—Wai wi shuda wayt pahn Jehoava wen peepl kip di insolt wi? (ijwbq-E 179 ¶2-3)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ps 44:1-26 (th stodi point 11)
4. How fi Staat Wahn Kanvasayshan
(4 min.) HOWS TU HOWS. Aafa wahn Baibl stodi. (lmd lesn 5 point 5)
5. How fi Mek Ritern Vizit
(5 min.) HOWS TU HOWS. Invait di persn fi kohn hyaa di neks poblik taak. Inchrojoos di veedyo weh naym Weh Aal Hapm da Wahn Kingdom Haal? ahn diskos it, bot noh play it. (lmd lesn 7 point 5)
6. Taak
(3 min.) lmd apendiks A point 4—Teem: Nobadi Wahn Geh Sik Nohmoh. (th stodi point 2)
Sang 21
7. Mek Waiz Disizhanz Bowt Werk an Ejukayshan
(15 min.) Diskoshan.
Unu yong wanz, unu don plan owt weh unu wahn du wen unu finish hai skool? Maybi yu don di tink bowt geh wahn jab weh ku alow yu fi painyaa. Er maybi yu di tink bowt weda er nat dehn ga eni skool weh ku teech yu wahn skil er help yu geh wahn laisn er diploama weh ku help yu fi geh wahn jab laik dat. Dis da wahn reeli eksaitin taim eena yu laif! Stilyet, yu mait feel kanfyooz bikaaz yu ga wahn lat fi chooz fram, er yu mait feel schres owt bikaaz adaz di presha yu fi mek wahn disizhan weh wahn pleez dehn. Weh ku help yu fi mek wahn waiz disizhan?
Reed Machyu 6:32, 33. Den aks di aadyans:
-
Wai ih gud fi tink bowt yu spirichwal goalz bifoa yu mek wahn impoatant disizhan bowt werk an ejukayshan?
-
How payrents ku help dehn chiljren fi fala di advais fahn Machyu 6:32, 33 eena dehn laif?—Ps 78:4-7
Ih impoatant fi noh mek dehnya disizhanz fi di rang reezn. If yu noh kyaaful, yu mait chooz yu ejukayshan er wahn jab bikaaz yu tink yu need moa moni fi liv gud. Er yu mait feel laik haiya ejukayshan er wahn beta jab wahn mek yu bee moa impoatant. (1Jn 2:15, 17) Memba dat wen yu ga wahn lata moni, dat ku mek it haad fi aksep di Kingdom mesij. (Lk 18:24-27) If sohnbadi di werk haad fi geh rich, den dat ku mek it haad fi mek ih schrentn ih fayt ahn foakos pahn weh ih ku du fi pleez Jehoava.—Ma 6:24; Mk 8:36.
Play di VEEDYO weh naym Noh Chros Eena Notn Weh Noh Wahn Laas!—Richiz. Den aks di aadyans:
-
How Proverbs 23:4, 5 ku help yu mek waiz disizhanz?
8. Kangrigayshan Baibl Stodi
(30 min.) bt chapta 10 ¶5-12
