May 6-12
PSALMS 36-37
Sang 87 ahn Pryaa | Inchrodokshan (1 min.)
1. “Noh Geh Beks Bikaaz a Wikid Peepl”
(10 min.)
Wikid peepl mek wi sofa (Ps 36:1-4; w17.04-E 10 ¶4)
Wen wi stay beks wid “wikid peepl,” wi di hert wiself tu (Ps 37:1, 7, 8; w22.06 10 ¶10)
Wen wi chros eena Jehoava pramis dehn, ih gi wi pees (Ps 37:10, 11; w22.08 11 ¶11)
AKS YUSELF, ‘Ai spen tu moch taim di wach nyooz weh taak bowt aal di wikidnis weh di goh aan eena di werl?ʼ
2. Spirichwal Chrezhaz
(10 min.)
-
Ps 36:6—Weh di saamis kuda mi meen wen ih taak bowt how Jehoava raichosnis da laik “di mongtin dehn weh big ahn byootiful [er, “laik Gaad mongtin dehn,” ftn.]”? (it-2-E 445)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Ps 37:1-26 (th stodi point 10)
4. How fi Staat Wahn Kanvasayshan
(3 min.) HOWS TU HOWS. (lmd lesn 1 point 5)
5. How fi Mek Ritern Vizit
(4 min.) PREECH ENITAIM. Aafa wahn Baibl stodi tu sohnbadi weh neva waahn stodi di Baibl eena di paas. (lmd lesn 9 point 4)
6. Taak
(5 min.) ijwbv-E 45—Teem: Weh Psalm 37:4 Meen? (th stodi point 13)
Sang 33
7. Yoo Don Pripyaa fi Wen “Haad Taimz” Kohn?
(15 min.) Diskoshan.
Wahn lata wi bradaz ahn sistaz sofa bikaaz a wahn nachral dizaasta er bikaaz a wahn dizaasta weh man kaaz. Sayka dat, dehn looz wahn lata tingz weh dehn oan ahn dehn famili er frenz mait ded. (Ps 9:9, 10) Sad fi seh, dis ku hapm tu eni wan a wi, soh wi need fi pripyaa wiself fi wen “haad taimz” kohn pahn wi sodn-wan.
Wi need fi pripyaa tingz weh wahn help wi fi servaiv wahn dizaasta, a bot weh ku help wi bayr op wen wahn dizaasta hapm?
-
Pripyaa yu main: Wahn dizaasta ku hapm enitaim, soh tink bowt weh yu wahn du if dat hapm. Chrai noh geh tu atach tu mateeryal tingz. If yu du dat, dat wahn help yu fi mek waiz disizhanz soh dat yu ku sayv yu laif er sombadi els laif insteda di sayv yu mateeryal tingz. (Jen 19:16; Ps 36:9) If yu noh tu atach tu mateeryal tingz, dat wahn yu help yu fi handl di sichuwayshan beta if yu looz yu bilanginz.—Ps 37:19
-
Kip yu rilayshanship wid Jehoava schrang: Chros dat Jehoava ga di powa fi help yu ahn di dizaiya fi du it. (Ps 37:18) Bifoa wahn dizaasta hapm, kip di rimain yuself dat Jehoava wahn gaid ahn sopoat ih servant dehn eevn doa wi mait looz evriting ahn sayv wi laif.—Jer 45:5; Ps 37:23, 24
Wen wi chros dat Jehoava pramis dehn wahn kohn chroo, wi di “goh tu hihn fi tek shelta wen [wi] di sofa.”—Ps 37:39.
Play di VEEDYO weh naym Yoo Redi fi Wahn Dizaasta? Den aks di aadyans:
-
How Jehoava ku help wi joorin wahn dizaasta?
-
Weh wi ku du fi pripyaa fi wahn dizaasta?
-
How wi ku help peepl weh gaahn chroo wahn dizaasta?
8. Kangrigayshan Baibl Stodi
(30 min.) bt chapta 9 ¶8-16
