Disemba 30, 2024–Janiweri 5, 2025
SAAMZ 120-126
Sang 144 ahn Pryaa | Inchrodokshan (1 min.)
Di Izrelaits weh moov bak tu Jeroosalem luk soh hapi bikaaz Jehoava bles dehn haad werk.
1. Dehn Krai Wail Dehn Di Plaant, bot Dehn Rijais Joorin Haavis Taim
(10 min.)
Di Izrelait dehn mi hapi wen dehn geh set free fahn Babilan fi bring bak pyoar wership (Saa 126:1-3)
Di peepl weh mi gaahn bak da Judeeya mosi mi krai bikaaz a di haad werk weh dehn mi haftu du (Saa 126:5; w04-E 6/1 16 ¶10)
Di peepl neva giv op, ahn bikaaz a dat Jehoava bles dehn (Saa 126:6; w21.11 24 ¶17; w01-E 7/15 18-19 ¶13-14; koment pahn di picha)
TINK BOWT DIS: Afta wi mek it chroo Armagedon, weh kaina chalenjiz wi wahn fays joorin di taim wen wi di bil bak evriting? Weh blesinz wi wahn get?
2. Spirichwal Chrezhaz
(10 min.)
-
Saa 124:2-5—Jehoava wahn protek wee di saym way how ih mi protek di nayshan a Izrel? (cl-E 73 ¶15)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Saa 124:1–126:6 (th stodi point 5)
4. How fi Staat Wahn Kanvasayshan
(3 min.) POBLIK WITNISIN. (lmd lesn 3 point 5)
5. How fi Mek Ritern Vizit
(4 min.) HOWS TU HOWS. Di laas taim yu taak tu dis persn ih mi seh dat ih noh shoar if peepl ku bileev weh di Baibl seh. (lmd lesn 9 point 5)
6. How fi Mek Disaiplz
Sang 155
7. Gaad Pramis Dehn Mek Wi Hapi
(15 min.) Diskoshan.
Jehoava mi kip di pramis weh ih mi mek tu di Izrelait dehn weh mi deh da Babilan. Hihn mi set dehn free fahn Babilan ahn fergiv dehn fi di sinz weh dehn mi komit eena di paas. (Isa 33:24) Wail di Izrelait dehn mi deh da Babilan, lata laiyan an ada wail animalz mi spred aal oava dehn lan. Bot wen dehn gaahn bak hoam, Jehoava mi protek dehn ahn dehn animalz fahn dehnya daynjaros animalz. (Isa 65:25) Dehn kuda mi liv eena dehn oan hows an eet froot weh dehn aachad bayr. (Isa 65:21) Gaad mi bles di werk weh dehn mi du, ahn dehn mi liv wahn lang ahn hapi laif.—Isa 65:22, 23.
Watafaal: Maridav/stock.adobe.com; di mongtin dehn: AndreyArmyagov/stock.adobe.com
Play di VEEDYO weh naym Fain Jai Eena di Pees Weh Gaad Pramis—Veedyo Klip. Den aks di aadyans:
-
Eena weh wayz wi si dehnya prafesi di kohn chroo now?
-
How dehnya prafesi wahn kohn chroo eena di nyoo werl?
-
Wich wan yoo di luk faawod tu di moas?
8. Kangrigayshan Baibl Stodi
(30 min.) bt chapta 20 ¶8-12 ahn di baks pahn payj 161
