Aktoaba 7-13
SAAMZ 92-95
Sang 84 ahn Pryaa | Inchrodokshan (1 min.)
1. Di Bes Way fi Liv Yu Laif Da fi Serv Jehoava!
(10 min.)
Jehoava dizerv fi wee wership (Saa 92:1, 4; w18.04 26 ¶5)
Hihn help fi hihn peepl fi mek gud disizhanz weh wahn mek dehn hapi (Saa 92:5; w18.11 20 ¶8)
Jehoava valyu dehn wan weh serv ahn eevn wen dehn geh oal (Saa 92:12-15; w20.01 19 ¶18)
AKS YUSELF, ‘Weh di stap mi fahn dedikayt miself tu Jehoava ahn geh baptaiz?ʼ
2. Spirichwal Chrezhaz
(10 min.)
-
Saa 92:5—How dis skripcha shoa wi dat Jehoava waiz? (cl-E 176 ¶18)
-
Weh spirichwal chrezhaz yu wuda waahn shayr fahn dis week Baibl reedin?
3. Baibl Reedin
(4 min.) Saa 94:1-23 (th stodi point 5)
4. How fi Staat Wahn Kanvasayshan
(4 min.) PREECH ENITAIM. Joorin wahn kanvasayshan, fain wahn way fi tel di persn bowt di werk weh yu du di teech peepl fahn di Baibl. (lmd lesn 5 point 3)
5. How fi Mek Ritern Vizit
(3 min.) PREECH ENITAIM. Aafa wahn Baibl stodi tu wahn persn weh shoa inchres bot weh mi rifyooz fi aksep wahn stodi eena di paas. (lmd lesn 8 point 4)
6. How fi Mek Disaiplz
(5 min.) Shoa how fi en wahn Baibl stodi weh noh di mek proagres. (lmd lesn 12 point 5)
Sang 5
7. Wen Yong Peepl Feel Laik Dehn Woriz Da Tu Moch fi Deel Wid
(15 min.) Diskoshan.
Jos bikaaz wi serv Jehoava noh meenz dat wi noh wahn ga no woriz. If yu luk pahn Dayvid egzampl yu wahn noatis dat hihn mi ga wahn lata woriz aal chroo ih laif, ahn lata wi bradaz ahn sistaz di goh chroo di sayhn ting tudeh. (Saa 13:2; 139:23) Sad fi seh, eevn di yong wanz ga woriz. Sohntaimz, ih ku mek yu feel laik di goh da meetin er di goh da skool da tu moch fi deel wid. Ih ku eevn mek yu ga wahn panik atak er tink bowt kil yuself.
Yong wanz, if unu eva feel laik unu woriz da tu moch, taak tu yu ma er pa, er tu wahn machoar brada er sista. Noh ferget fi pray tu Jehoava fi help. (Fil 4:6) Hihn wahn help yu. (Saa 94:17-19; Isa 41:10) Mek wi luk pahn Steing egzampl.
Play di VEEDYO weh naym Jehoava Kyaa fi Mi. Den aks di aadyans:
• Weh Baibl vers mi help Steing, ahn wai?
• How Jehoava mi help ahn?
Payrents, unu ku help unu pikni dehn fi deel wid dehn woriz. Unu ku du dis wen unu payshent ahn lisn tu dehn, wen unu mek dehn noa dat unu lov dehn, ahn wen unu help dehn fi noa dat Jehoava lov dehn. (Tai 2:4; Jay 1:19) Pen pahn Jehoava fi gi unu di komfert ahn di schrent weh unu need fi sopoat unu pikni dehn.
Wi mait noh noa wen sohnbadi eena di kangrigayshan di goh chroo wahn lata woriz ahn wi mait noh andastan how ih feel, bot wi ku stil help ahn wen wi shoa ahn lov ahn welkom ahn eena di kangrigayshan.—Pr 12:25; Hee 10:24.
8. Kangrigayshan Baibl Stodi
(30 min.) bt chapta 16 ¶6-9 ahn di baks pahn payj 132
