Wizdom fi Injai Laif ahn fi Bee Hapi
“Eevn doa Ah feel sad wen Ah si weh aal di hapm eena di werl—waar, peepl weh poa ahn hongri, dizeez, pikni weh geh chreet eena wahn kruwil way—Ah noa now dat wi ga wahn hoap fi wahn beta fyoocha.”—RANI. *
Rani mi fain chroo hapinis wen shee mi laan dat wi Kriyayta—di almaiti Gaad, ku gi wi chroo wizdom. Az yu reed di ada aatikl dehn, si how Gaad teechinz ku help yu fi . . .
injai wahn hapi famili laif
liv eena pees wid adaz
bee hapi ahn kantentid
andastan wai wi sofa ahn ded
ga wahn reel hoap fi di fyoocha
geh fi noa wi Kriyayta ahn jraa kloas tu hihn
Yu wahn aalso laan dat wi Kriyayta gi wizdom noh jos tu wahn fyoo peepl bot ih giv it tu enibadi weh di luk far it.
^ par. 2 Di naym dehn chaynj.
