Wai Peepl Noh Rispek Dehnself Nohmoh?
WAI IH IMPOATANT FI RISPEK YUSELF?
Peepl weh rispek dehnself noa dat dehn ku fays chalenjiz eena laif ahn dehn noh eezi fi giv op.
-
Risaach shoa dat peepl weh noh tink gud bowt dehnself eezi fi geh angshos, ga dipreshan, an en op wid eetin prablemz. Dehn ga wahn hai chaans fi abyoos alkohol ahn jrogz.
-
Peepl weh rispek dehnself chrai noh kompyaa dehnself wid adaz. Dat mek dehn get lang wid peepl ahn mek gud frenz. Bot, peepl weh noh rispek dehnself yoozhwali kritisaiz adaz. Dat mek it haad fi mek dehn ga gud frenz.
-
Eevn wen dehn fays chalenjiz, peepl weh rispek dehnself stay schrang. Dehn noh mek notn stap dehn fahn reech dehn goal. Bot peepl weh noh rispek dehnself yoozhwali si wahn smaal prablem az wahn big faylya. Dat mek dehn giv op kwik-wan.
HOW YU KU GA MOA RISPEK FI YUSELF?
Chooz frenz weh wahn inkorij yu. Spen taim wid peepl weh rispek adaz, weh reeli kay bowt yu, ahn weh wahn bil yu op.
Help adaz. Wen yu kain ahn du tingz fi adaz—eevn tu dehn wan weh kyaahn gi yu eniting bak—yu wahn fain chroo hapinis. Yu wahn bee hapi eevn wen adaz noh noatis di gud tingz weh yu du.
Help yu chiljren fi laan fi rispek dehnself. Yu ku help yu chiljren fi laan fi rispek dehnself wen yu alow dehn fi solv dehn oan prablemz az bes az dehn kud. Dat wahn help dehn fi noh giv op wen dehn fays chalenjiz. Wen dehn laan fi du dat, dehn wahn ga moa rispek fi dehnself now ahn wen dehn groa op.
HOW JEHOAVA WITNISIZ HELP PEEPL FI RISPEK DEHNSELF?
Di meetin dehn ahn Baibl stodi proagram weh Jehoava Witnisiz gat help peepl ga wahn beta laif ahn dat help dehn fi ga moa rispek fi dehnself.
WI MEETIN DEHN WEH WI GA EVRI WEEK
Da wi meetin dehn, wi injai lisn tu taak weh bays pahn di Baibl ahn weh provaid infamayshan pahn how fi ga moa rispek fi yuself. Wi noh chaaj er tek op kalekshan da wi meetin dehn an evribadi welkom fi aten. Fi egzampl, da wi meetin dehn yu wahn laan . . .
-
wai yoo impoatant tu Gaad
-
how yu ku fain reel perpos eena laif
-
how yu ku mek frenz weh wahn laas fareva
Yu wahn aalso fain chroo frenz weh “tek kayr a wan anada.”—1 Korintyanz 12:25, 26.
Fi laan moa bowt wi meetin dehn, saach fi di shaat veedyo weh naym Weh Aal Hapm da Wahn Kingdom Haal? pahn jw.org.
WI BAIBL STODI PROAGRAM
Wi aafa wahn free Baibl stodi proagram wid di buk weh naym Injai Laif Fareva! Dis buk diskos ahn help yu andastan impoatant skripchaz, ih ga lata kweschanz, an ih ga sohn inchrestin veedyo ahn pichaz weh help yu fi tink bowt weh yu di laan. Dis Baibl stodi proagram help peepl fi ga moa rispek fi dehnself ahn fi ga wahn beta laif.
Saach fi di shaat veedyo weh naym Wai Stodi di Baibl? fi si how wahn Baibl stodi wid Jehoava Witnisiz ku help yu.
Yu Mait Aalso Laik
LAAN BOWT WI
Aks fi Mek Sohnbadi Vizit Yu
Diskos wahn Baibl kweschan, er laan moa bowt Jehoava Witnisiz.
LAAN BOWT WI
Kohn da di Meetin Dehn Weh Jehoava Witnisiz Gat
Laan moa bowt wi meetin dehn. Fain wahn meetin loakayshan kloas tu weh yu liv.
