Dat da weh wahn intanashanal teem a saiyentis mi seh. An if yoo bileev dat dehn ga wahn Kriyayta weh kay bowt hyoomanz, den weh dehndeh saiyentis mi seh mait rimain yu a di difrent wayz Gaad mi dizain wi planet fi heel ihself.

Bot eevn soh, bikaaz hyoomanz damij di ert soh moch, ih stil kyaahn heel pan ih oan. Wai wi ku bee kanfident dat Gaad wahn du sohnting bowt it?

Di skripchaz weh deh eena di baks help wi fi bee kanfident dat di ert noh onli wahn servaiv, bot ih wahn eevn praspa.

• Da Gaad kriyayt wi planet. “Eena di biginin Gaad mi mek di hevnz ahn di ert.”—Jenisiz 1:1

• Fi wee planet bilangz tu Gaad. “Di ert an evriting eena it bilangz tu Jehoava.” a—Psalm 24:1

• Gaad dizain wi planet fi servaiv. “Hihn put di ert pan ih fongdayshan; ih wahn neva moov fahn weh ih deh fareva an eva.”—Psalm 104:5

• Gaad pramis wi dat livin tingz wahn praspa pahn wi planet fareva. “Di chroo Gaad, di wan hoo mek di ert, . . . neva mek it fi notn, bot ih mek it fi mek peepl liv pan.”—Isaiah 45:18

• Gaad pramis wi dat hyoomanz wahn liv pahn wi planet fareva. “Di raichos wan dehn wahn inherit di ert, ahn dehn wahn liv fareva pan it.”—Psalm 37:29

Gaad dizain di ert eena soch a way dat hyoomanz ku stil injai dehn laif widowt damij di ert. Di Baibl prafesai dat wen Jehoava redi, hihn wahn geh rid a selfish peepl weh di abyooz ahn damij wi planet. —Revilayshan 11:18

Ahn di Baibl pramis wi dat afta dat Gaad wahn ton wi planet intu wahn helti, byootiful paradais, an ih wahn oapm op ih han fi “gi wi evriting weh wi waahn.”—Psalm 145:16