bileev dat wen sombadi ded dehn wahn baan agen ahn liv wahn nada laif. Dehn bileev dat wahn persn bring sofarin pahn dehnself bai weh dehn du eena dis laif er eena wahn paas laif. Dehn bileev dat if wahn persn stap kay bowt di tingz a di werl dehn ku reech moksha, wahn kandishan weh set dehn free fahn baan oava ahn oava agen.

bileev dat sofarin da ponishment fi sin ahn wahn tes a fayt. Dehn bileev dat wi sofa fi mek wi memba dat wi shuda “aalwayz bee tankful tu Gaad fi aala wi blesinz ahn memba dat wi fi sopoat peepl weh need help,” akaadn tu Dr. Sayyid Syeed, di prezident a di Islamic Society a North America.

teech dat peepl bring sofarin pahn dehnself sayka di tingz weh dehn du. Som Jooz seh dat afta di rezorekshan eni inosent persn weh mi sofa wahn geh jostis. Sohn ada Jooz teech dat wen sombadi ded dehn wahn kohn bak ahn liv wahn nada laif, ahn dat gi dehn lata chaans fi fiks aala dehn mistayk.

bileev dat wen sombadi ded dehn wahn baan agen ahn liv wahn nada laif. Dehn wahn sofa eena evri laif weh dehn liv til dehn stap du bad tingz, stap feel negitiv imoashan, ahn geh rid a evri rang dizaiya. Dehn bileev dat if wahn persn shoa wizdom, du gud, ahn kanchroal dehn tinkin, dehn ku reech nirvana—wahn kandishan weh free dehn fahn aal sofarin.

bileev dat moas sofarin kohn fahn “hyooman mistayk,” akaadn tu A Dictionary of Comparative Religion. Dehn teech dat if yu liv wahn gud laif yu noh wahn sofa soh moch. Bot stilyet, dehn bileev dat “sohn spirit weh moa powaful dan hyoomanz” kaaz wahn lata peepl sofarin, an “eena dehndeh kays, wi jos haftu aksep weh dehndeh spirit disaid.”

bileev sofarin kohn fahn spiritizm. Akaadn tu weh dehn bileev, wahn wich ku bring gud lok er sofarin. Dehn bileev dat yu ku perfaam difrent richwal fi eez peepl sofarin. Wen wahn persn sofa fahn sohn kaina siknis, di wich dakta dehn ku mek medisn ahn du richwal weh fait gens di werk weh di wich dehn du.

bileev dat di orijinal kaaz fi sofarin da di sin weh di fers too hyooman dehn mi du, laik how di Baibl buk a Genesis diskraib it. Bot lata difrent Kristyan rilijan ad dehn oan aidyaa tu da teechin. Fi egzampl, sohn Kyaatlik peepl seh dat di sofarin weh yoo goh chroo da laik wahn sakrifais weh yu ku ‘aafa op tu Gaad.ʼ Den yu ku aks ahn fi bles di cherch er fi gi salvayshan tu sombadi els bays pahn da sofarin.