Di ansa tu dis kweschan chaynj di way wi luk pahn laif.

Ih mek sens dat Gaad, di wan weh mek evriting soh byootiful, mek wi fi liv wahn laif weh ful a sofarin?

Peepl weh noh rilijos tink dat sofarin gi dehn wahn reezn fi kweschan weda Gaad egzis er nat. Dehn bileev dat sofarin da proof dat (1) Gaad noh powaful inof fi en sofarin, (2) Gaad noh kay bowt dehn sofarin, er (3) Gaad noh egzis.

Dehndeh da di onli pasabl reezn wai wi sofa?

Gaad neva mek wi fi sofa.

Hihn waahn mek wi injai laif.

“Dehn noh ga notn beta fi dehn dan fi mek dehn rijais ahn du gud wail dehn di liv, an evribadi shuda eet ahn jrink ahn injai di gud fahn dehn haad werk. Da wahn gif fahn Gaad.”—ECCLESIASTES 3:12, 13.

Eena di biginin, Gaad mi mek evriting perfek fi di fers too hyoomanz.

Ih perpos fi dehn—an aal hyoomanz—da neva fi mek dehn sofa.

“Gaad tel dehn: ‘Unu mos ga chiljren ahn ful op di ert ahn koltivayt it.ʼ”—GENESIS 1:28.

Di fers too hyoomanz mi chooz fi disobay Gaad ahn du weh dehn waahn.

Bikaaz dehn neva lisn, dehn mi sofa ahn now evribadi haftu sofa tu.

“Sin mi fos kom eena di werl wen wan man sin, ahn da man sin bring det; ahn sin spred tu evribadi, ahn aala dehn sin. Sayka dat, evribadi wahn ded.”—ROAMANZ 5:12. *

Gaad neva giv hyoomanz di abiliti fi gaid dehnself.

Gaad neva kriyayt wi fi gaid wiself, jos laik how hihn neva kriyayt wi fi liv anda waata.

“Man way noh bilangz tu hihn. Ih noh eevn bilangz tu wahn man weh di waak fi seh how fi tek ih neks step.”—JEREMIAH 10:23.

Gaad noh waahn mek wi sofa

Hihn waahn mek wi bee sayf an avoid prablemz az moch az pasabl.

“If yu wuda onli pay atenshan tu mi komanment dehn! Den yu pees wuda bee laik wahn riva.”—ISAIAH 48:18.