Jeezas da di King a Gaad Kingdom.

Look 1:31-33: “Yu wahn ga wahn lee baybi bwai, ahn wen ih baan, yu fi naym ahn Jeezas. Hihn wahn bee grayt, ahn dehn wahn kaal ahn di Son a di moas hai Gaad. Di Laad Gaad wahn gi ahn ih grayt-graytgrayt-granfaada Dayvid chroan. Ih wahn rool oava di peepl a Izrel dehn fareva, ahn fi hihn kingdom wahn neva kohn tu wahn en.”

Di Kingdom da-mi di mayn foakos a Jeezas preechin.

Machyu 9:35: “Jeezas gaahn da aala di tong ahn di vilij dehn di teech eena dehn meetn plays dehn. Ih preech di Gud Nyooz bowt di kingdom a hevn, ahn ih heel aala dehn siknis ahn aala dehn dizeez dehn.”

Jeezas mi gi ih disaipl dehn wahn sain soh dat dehn ku noa wen di Kingdom mi bowt fi kohn.

Machyu 24:7: “Lata difrent nayshan ahn kingdom wahn waar gens wan anada. Peepl wahn di staav aal oava ahn lata ertwayk wahn deh da difrent plays.”

Now, Jeezas disaipl dehn di preech bowt di Kingdom aal oava di ert.

Machyu 24:14: “Ahn di Gud Nyooz bowt di kingdom a hevn wahn geh preech oava di hoal werl soh dat aala di nayshan dehn ku yehr di chroot, ahn den di en wahn kohn.”