Gaad Kay Bowt Yu
DI BAIBL gat een di bes advais bikaaz ih kohn fahn Gaad. Da noh wahn medikal buk, bot ih ku stil help wi deel wid schresful sichuwayshanz, negitiv tinkin, sadnis, ahn fizikal er mental helt prablemz.
Di Baibl help wi fi andastan dat nobadi noa wi beta dan Jehoava Gaad. a Hihn noa di way wi tink ahn feel bikaaz hihn da di Wan weh mek wi. Hihn redi ahn wilin fi help wi wid eni prablem weh wi di goh chroo. Mek wi luk pahn too skripchaz fahn di Baibl weh ku gi wi lata komfert:
“Jehoava kloas tu dehn wan weh sad eena dehn haat; hihn sayv di wan dehn weh feel diskorij.”—PSALM 34:18.
“Ai, Jehoava yu Gaad, di hoal aan tait tu yu rait han. Ai da di Wan weh tel yu, ‘Noh bee frayd. Ai wahn help yu.ʼ”—ISAIAH 41:13.
How Jehoava ku help wi if wi ga mental helt prablemz? Eena di neks aatikl dehn, wi wahn si how Jehoava shoa wi dat hihn reeli kay bowt wi.
a Jehoava da Gaad naym.—Psalm 83:18.
