Wen wi reed di Baibl, wi ku du risaach fi help wi andastan weh wi reed beta. Wen wi du risaach, da noh jos fi laan moa bowt di Baibl. Wi waahn fain spirichwal chrezhaz weh teech wi bowt Jehoava persnaliti soh dat wi ku lov ahn eevn moa. Fi du dis, wi ku aks wiself, ‘Weh mai Baibl reedin teech mi bowt Jehoava?ʼ

Wi ku luk fi wayz how Jehoava shoa lov, wizdom, jostis, ahn powa. Bot Jehoava ga wahn lat moa wandaful kwalitiz weh yu ku laan bowt. Wehpaat yu ku fain moa infamayshan bowt Jehoava wayz?

Eena di Watch Tower Publications Index, yu ku laan bowt oava 50 moa kwalitiz weh Jehoava gat. Luk anda di hedin “Jehovah” an anda di sobhedin “Qualities by Name.” Stodi di kwaliti dehn weh mach yu Baibl reedin. Yu ku aalso fain infamayshan eena di Research Guide for Jehovahʼs Witnesses, anda di hedin “Jehovah God” ahn di sobhedin “Jehovahʼs Qualities.”