Wahn lata bradaz ahn sistaz laik yooz di aatikl dehn weh deh pahn di hoam payj pahn jw.org eena di minischri. Di link fi di aatikl dehn eezi fi shayr wid adaz, ahn dehn naamali eksplayn how di tingz weh di hapm eena di werl di mek Baibl prafesi kohn chroo. Laik weh wahn brada seh, dehnya aatikl “da egzakli weh wi need fi di minischri.”

Di hoam payj noh aalwayz shoa di saym aatikl, soh how yu ku fain wahn aatikl weh yoostu deh pahn di hoam payj? Goh pahn jw.org, klik pahn “Laibri,” den “Aala Wi Aatikl Dehn Lis Aaf bai Tapik,” ahn “Moa Tapiks.” Er goh eena JW Library^®, klik pahn “Library,” den “Article Series,” ahn den “Moa Tapiks.” Dis sekshan wahn gi yu wahn lis a aal di aatikl dehn weh yoostu deh pahn di hoam payj.