Wi ku fain spirichwal chrezhaz joorin wi Baibl reedin wen wi du risaach. Bot how wi ku get eevn moa owta wi Baibl reedin?

Saach fi moa infamayshan bowt di Baibl pasij weh yu di reed. Fi egzampl, fain owt hoo mi rait it, hoo ih mi rait it fa, ahn wen ih mi rait it. Si if yu ku fain owt weh mi-di hapm rong da taim, weh mi hapm bifoa dat, ahn weh mi hapm afta dat.

Tink bowt di lesn. Fi du dat, yu ku aks yuself kweschanz laik: ‘How di peepl weh Ah di reed bowt mi feel? Wat da sohn kwalitiz weh dehn mi shoa? Wai Ai shuda shoa dehndeh kwalitiz, er wai Ai shuda avoid dehndeh kwalitiz?ʼ

Yooz weh yu laan, eeda eena di minischri er eena di way how yu deel wid ada peepl. Wen yu du dat, yu di shoa dat yu waiz. Di Baibl seh: “Enibadi weh waiz wahn kansida dehnya tingz.”—Ps. 107:43.

• Tip: Noatis how di Chrezhaz Fahn di Werd a Gaad sekshan eena di midweek meetin help wi fi foakos pahn how wi ku yooz weh wi laan. Dis sekshan ga kweschanz weh wi ku aks wiself, points wi ku tink bowt, an iloschrayshanz weh wi ku kansida.