Wee wership Jehoava eena big groops da wi meetin, asembli, ahn kanvenshan dehn. Bot wi aalso wership hihn wen wi deh bai wiself ahn wen wi deh wid wi famili. Dehnya da som a di tingz yu ku du fi famili wership ahn fi persnal stodi:

• Pripyaa fi meetin. Yoo ahn yu famili ku praktis di sang dehn ahn help evribadi eena di famili fi pripyaa wahn koment.

• Reed wahn pasij fahn di Baibl. Afta dat, yu ku jraa wahn picha a weh yu reed bowt er rait dong weh yu mi laan.

• Reed wan a di pryaa dehn weh deh eena di Baibl ahn taak bowt how ih ku help yu pray beta.

• Wach wahn veedyo pahn jw.org ahn taak bowt it er rait wahn paragraaf bowt it.

• Pripyaa ahn praktis yu feel servis prezentayshan.

• Luk pahn tingz weh Jehoava mek ahn tink bowt weh dehn ku teech yu bowt Jehoava. a