STODI AATIKL 29
Bee Hapi Wid Weh Yu Di Du fi Serv Jehoava!
“Eech persn . . . fi feel gud bowt ihself, an ih noh fi kompyaa ihself wid nobadi els.”—GAL. 6:4.
SANG 34 Giv Yu Hoal Haat tu Gaad
WEH WI WAHN DISKOS? *
1. Wai Jehoava noh kompyaa wi wid adaz?
JEHOAVA noh waahn evriting an evribadi fi bee di saym. Wi ku si dis eena aal di difrent ting dehn weh ih kriyayt, espeshali hyoomanz. Eech wan a wi difrent, soh Jehoava wahn neva kompyaa yu wid adaz. Hihn saach chroo yu haat ahn hihn noa hoo yoo pahn di eensaid. (1 Sam. 16:7) Hihn noa di ting dehn weh yu ku du, di ting dehn weh yu kyaahn du, an ih noa di way how yu groa op. Soh Jehoava noh wahn aks yu fi du sohnting weh yu kyaahn du. Wi haftu si wiself di way how Jehoava si wi. Wen wi du dat, wi wahn “bee sensabl eena di way [wi] tink” ahn wi noh wahn tink tu moch er tu lee bit bowt wiself.—Roam. 12:3.
2. Wai ih noh gud fi kompyaa wiself wid adaz?
2 Wi ku laan fahn di gud egzampl a adaz. Maybi wi noa wahn brada er wahn sista weh du reeli gud eena di preechin werk. (Heeb. 13:7) Wi mait laan fi preech beta fahn fi dehn egzampl. (Fil. 3:17) Bot fi fala sohnbadi egzampl difrent dan fi kompyaa wiself wid dehn. Wen wi kompyaa wiself wid adaz ih ku mek wi feel jelos, diskorij, ahn wi ku eevn feel laik wi noh wert notn. Laik weh wi laan eena di laas aatikl, if wi di chrai bee beta dan wi bradaz ahn sistaz, dat ku damij wi rilayshanship wid Jehoava. Soh Jehoava inkorij wi eena wahn lovin way wen ih seh: “Bot eech persn fi chek weh ih du, kaaz den ih wahn ga reezn fi feel gud bowt ihself, an ih noh fi kompyaa ihself wid nobadi els.”—Gal. 6:4.
3. Wat da sohn tingz yu don du eena yu servis tu Jehoava weh mek yoo feel hapi?
Ps. 141:2) How yu di du eena di minischri, yu feel laik yu di du beta di staat kanvasayshanz? Yu di laan how fi yooz di toolz fi di minischri beta? An if yu ga wahn famili, yu feel laik Jehoava help yu fi bee wahn beta hozban, waif, er payrent? Yu ku feel hapi ahn prowd bowt di tingz weh yu di du fi serv Jehoava beta.
3 Jehoava waahn mek yu feel hapi bowt di tingz weh yu don du eena yu servis tu hihn. Fi egzampl, if yoo don baptaiz, yu shuda feel hapi dat yu reech da goal! Yu mi mek da disizhan bai yuself. Ahn yu mi du dat bikaaz yoo lov Gaad. Tink bowt evriting weh yu don du sins yu geh baptaiz. Fi egzampl, how yu feel bowt persnal Baibl reedin ahn persnal Baibl stodi, yu geh fi lov it moa? How bowt yu pryaaz, yu feel laik dehn di kohn fahn yu haat? (4. Weh wi wahn diskos eena dis aatikl?
4 Wee ku help adaz fi mek dehn feel hapi bowt weh dehn di du fi serv Jehoava beta. Wi ku aalso help dehn fi noh kompyaa dehnself wid adaz. Eena dis aatikl, wi wahn diskos weh payrents ku du fi help dehn pikni, weh marid koplz ku du fi help eech ada, ahn how eldaz an adaz ku help dehn bradaz ahn sistaz eena di kangrigayshan. Den, wi wahn diskos sohn Baibl prinsiplz weh wahn help wi fi reech di goalz weh wi set fi wiself.
WEH PAYRENTS AHN MARID KOPLZ KU DU
Payrents, shoa eech wan a yu pikni dat yu hapi wid di gud tingz weh dehn du (Paragraaf 5-6) *
5. Akaadn tu Ifeezhanz 6:4, wat da sohnting weh payrents noh fi du?
5 Payrents shuda chrai dehn bes fi noh kompyaa dehn pikni wid adaz er fi ekspek dehn fi du moa dan weh dehn ku du. If payrents aalwayz di kompyaa dehn pikni wid adaz, dat wahn diskorij dehn. (Reed Ifeezhanz 6:4.) Wahn sista weh naym Sachiko * seh: “Wen Ai mi deh da skool, mai teechaz dehn mi aalwayz waahn mek Ah du beta dan aala mi klaasmayt dehn. Pahn tap a dat, mi ma mi waahn mek Ah du gud da skool soh dat mi teecha ahn mi pa, hoo da noh wahn Witnis, wuda tink gud bowt Jehoava peepl. Shee mi waahn Ah geh 100 persent pahn mi egzam dehn, bot dat neva pasabl. Eevn doa Ai kom owta skool lang taim, sohntaim Ah stil feel laik if Jehoava noh hapi wid mi, eevn if Ah du mi bes.”
6. Weh Payrents ku laan fahn Psalm 131:1, 2?
Psalm 131:1, 2. (Reed.) * King Dayvid mi seh dat hihn noh “aym fi notn weh tu grayt” er du tingz weh hihn kyaahn du. Bikaaz hihn mi hombl, hihn mi hapi wid weh ih mi gat an ih mi ga pees. Weh payrents ku laan fahn weh Dayvid mi seh? Fi mek payrents bee hombl, dehn noh fi ekspek tu moch a dehnself ner fahn dehn pikni. Payrents haftu noa weh dehn pikni gud pan ahn weh dehn noh gud pan. If dehn du dat, dehn wahn ku help dehn pikni fi set goalz weh dehn ku reech, ahn dis wahn help dehn pikni fi feel gud bowt dehnself. Wahn sista weh naym Marina seh: “Mi ma neva did kompyaa mi wid mi breda dehn er wid ada chiljren. Shee teech mi dat evribadi ga difrent tingz weh dehn ku du ahn dat eech wan a wi preshos tu Jehoava. Bikaaz a dat, Ah noh reeli kompyaa miself wid adaz.”
6 Payrents ku laan wahn veri impoatant lesn fahn7-8. How wahn hozban ku shoa dat ih ga rispek fi ih waif?
7 Wahn Kristyan hozban haftu chreet ih waif wid rispek. (1 Peet. 3:7) Fi egzampl, wahn hozban rispek ih waif wen ih shoa ahn dat shee impoatant tu hihn. Hihn noh wahn aks ahn fi du moa dan weh ih ku du. Ahn fi shoar ih noh wahn kompyaa shee wid eni ada uman. Imajin how wahn waif wuda feel if ih hozban du ahn sohnting laik dat. Wahn sista weh naym Rosa seh dat ih hozban, weh da noh wahn Witnis, aalwayz kompyaa shee wid ada uman. Di meen werdz weh ih tel ahn noh onli mek ih feel bad bowt ihself bot ih mek ih feel dat nobadi lov ahn. Shee seh, “Ah aalwayz need fi rimain miself dat Jehoava lov mi.” Pahn di ada han, wahn Kristyan hozban shoa dat ih rispek ih waif. Hihn noa dat wen hihn du dat, hihn mek ih rilayshanship wid ih waif ahn wid Jehoava beta. *
8 Wahn hozban weh ga rispek fi ih waif prayz ahn wen ih taak gud bowt ahn, wen ih tel ahn humoch ih lov ahn, an wen ih shoa ahn dat shee preshos tu ahn. (Prov. 31:28) Memba Katerina fahn di aatikl bifoa dis wan? Shee seh dat dis da how fi shee hozban mi help ahn wen shee mi feel laik shee neva gud inof. Wen shee mi smaal, ih ma yoostu tel ahn tingz weh mi mek ih feel bad bowt ihself, an ih yoostu kompyaa shee wid ada chiljren, inkloodin fi shee oan frenz. Bikaaz a dat, Katerina staat kompyaa ihself wid adaz, an ih mi kantinyu du dat eevn afta ih mi kom eena di chroot! Bot ih Kristyan hozban mi help ahn fi noh kompyaa ihself wid adaz an ih help ahn fi staat tink bowt ihself eena wahn gud way. Shee seh: “Hihn lov mi, ih komen mi fi di gud tingz weh Ah du, an ih pray fi mi. Ih aalwayz rimain mi bowt di byootiful kwalitiz weh Jehoava gat, an ih karek mi wen Ah di tink negitiv.”
WEH LOVIN ELDAZ AN ADAZ EENA DI KANGRIGAYSHAN KU DU?
9-10. How di eldaz mi help wahn sista fi noh kompyaa ihself wid adaz?
9 How eldaz ku help dehn wan weh aalwayz di kompyaa dehnself wid adaz? Wahn sista weh naym Hanuni, seh dat wen shee mi-di groa op, nobadi yoostu komen ahn. Shee seh: “Ah mi shai an Ai mi feel laik di ada pikni dehn mi beta dan mee. Ah mi
staat kompyaa miself wid adaz fan Ah mi reeli yong.” Eevn afta Hanuni mi kom eena di chroot, ih mi stil kompyaa ihself wid adaz. Bikaaz a dat, ih mi feel laik weh ih mi du eena di kangrigayshan neva impoatant. Now, Hanuni da wahn hapi painyaa. Weh mi help shee fi chaynj ih atichood?10 Hanuni seh dat di lovin eldaz mi help ahn. Dehn mi tel ahn dat shee da wahn impoatant paat a di kangrigayshan ahn dehn mi komen ahn fi ih gud egzampl. Ih seh: “Wahn fyoo taimz di eldaz mi aks mi fi inkorij som a di sistaz eena di kangrigayshan weh mi need help. Dis mi mek Ah feel yoosful. Ah memba wen di lovin eldaz dehn mi tank mi fi di inkorijment weh Ah mi gi tu som a di yong sistaz. Den dehn mi reed 1 Tesaloanyanz 1:2, 3 tu mi. Dat mi reeli toch mi haat! Bikaaz a weh di lovin eldaz mi du, now Ah feel laik Ah yoosful eena di kangrigayshan.”
11. How wi ku help dehn wan weh feel “dong ahn hoaples” laik weh Isaiah 57:15 seh?
11 Reed Isaiah 57:15. * Jehoava kay wahn lat bowt dehn wan weh feel “dong ahn hoaples.” Aala wi, noh jos di eldaz, ku help inkorij dehnya bradaz ahn sistaz. Wan way how wi ku inkorij dehn da wen wi shoa dehn dat wi reeli kay bowt dehn. Jehoava waahn mek wi shoa dehn dat hihn reeli kay bowt dehn. (Prov. 19:17) Wi ku aalso help wi bradaz ahn sistaz wen wi hombl ahn wen wi noh boas bowt weh wi ku du. Wi noh waahn jraa atenshan tu wiself bikaaz dat ku mek adaz staat jelos wi. Insteda dat, wi waahn yooz wi gif ahn wi nalij fi inkorij wan anada.—1 Peet. 4:10, 11.
Jeezas disaiplz mi laik deh rong ahn bikaaz hihn neva ak laik hihn beta dan dehn. Hihn mi laik spen taim wid ih frenz tu (Paragraaf 12)
12. Wai peepl mi laik fi deh rong Jeezas? (Koment pahn di picha pahn di kova.)
12 Wi ku laan wahn lat bowt how fi chreet adaz wen wi luk pahn di way how Jeezas mi chreet ih falowaz. Hihn da-mi di graytis man fi eva liv pahn ert. Bot hihn mi stil “kain ahn hombl.” (Mach. 11:28-30) Hihn neva boasi bowt how smaat hihn mi smaat ahn bowt aal di ting dehn weh hihn mi noa. Wen hihn mi teech di peepl, hihn mi taak tu dehn eena wahn way weh eezi fi andastan. An ih mi yooz iloschrayshanz weh mi toch dehn haat. (Look 10:21) Jeezas da neva laik dehn rilijos leedaz weh mi prowd, hihn mi aalwayz mek peepl noa dat dehn mi preshos tu Gaad. (Jan 6:37) Hihn mi chreet evribadi wid rispek.
13. How Jeezas mi shoa dat ih lovin ahn kain wen ih mi-di deel wid ih disaipl dehn?
13 Wi ku si dat Jeezas mi lovin ahn kain wen ih mi-di deel wid ih disaipl dehn. Hihn mi noa dat dehn difrent ahn dat dehn mi ga difrent gif. Soh dehn kudn handl di saym rispansabiliti ner du di saym amonk a werk eena di minischri. Bot hihn mi hapi dat eech wan a dehn mi du dehn bes. Jeezas iloschrayshan bowt di talents shoa dat hihn mi andastan ih disaipl dehn. Eena da iloschrayshan, di maasta mi gi eech wan a ih slayv dehn werk “akaadn tu weh dehn kuda mi handl.” Wan a di slayv mi geh moa dan weh di ada wan mi get. Bot di maasta mi komen di too a dehn an ih mi tel dehn: “Yu du gud, yoo da wahn gud ahn faytful slayv!”—Mach. 25:14-23.
14. How wi ku kapi Jeezas eena di way how ih mi chreet peepl?
14 Jeezas aalwayz lovin ahn kain wen ih di deel wid wi. Hihn noa dat aala wi difrent ahn dat wi ga difrent gif, ahn hihn veri hapi wen wi du fi wee bes. Wi fi chrai wi bes fi kapi Jeezas egzampl. Wi wuda neva
waahn mek wan a wi brada er sista feel laik dehn noh wert notn er mek dehn feel shaym kaaz dehn kyaahn du az moch az adaz eena di kangrigayshan. Wi shuda aalwayz komen wi bradaz ahn sistaz bikaaz dehn di du dehn bes fi serv Jehoava.SET GOALZ WEH YU KUD REECH
Set goalz weh yu noa yu ku reech ahn bee hapi wen yu reech dehn (Paragraaf 15-16) *
15-16. How wahn sista mi benifit wen ih mi set goalz weh ih kuda mi reech?
15 Wen wi ga goalz eena Jehoava servis, wi laif ga meenin. Bot wi haftu set goalz weh wi noa wee ku reech. Wi noh waahn set di saym goalz az ada peepl, bikaaz if wi du dat, wi mait geh disapointid ahn geh diskorij. (Look 14:28) Mek wi luk pahn di egzampl a wahn painyaa sista weh naym Midori.
16 Midori pa, hoo da noh wahn Witnis, yoostu shaym ahn wen shee mi yong. Ih yoostu aalwayz kompyaa shee wid ih breda, ih sista, an ih klaasmayt dehn. Shee seh: “Ah yoostu feel laik Ah neva wert notn.” Bot wen shee mi groa op, ih mi staat tu feel beta bowt ihself. Shee seh: “Ah reed di Baibl evri day bikaaz ih help mi fi feel dat Jehoava lov mi.” Pahn tap a dat, shee set goalz weh ih kuda mi reech, an ih pray tu Jehoava fi mek hihn help ahn fi reech ih goalz. Now ih feel hapi bowt di tingz weh ih du fi serv Jehoava.
AALWAYZ GI JEHOAVA FI YOO BES
17. Weh ku help wi fi chaynj di way how wi tink, ahn how wi wahn benifit if wi du dat?
17 Ih tek wahn lang taim fi chaynj di way how wi tink bowt wiself. Bot Jehoava tel wi: “Unu fi kantinyu chaynj tu wahn nyoo way a tinkin.” (Ifee. 4:23, 24) Fi mek wi ku du dat, wi haftu pray, stodi Gaad Werd, ahn meditayt pahn weh wi di reed. Wi haftu aks Jehoava fi di schrent soh dat wi ku du dehndeh tingz. Fi hihn hoali spirit wahn help wi fi noh kompyaa wiself wid adaz. Jehoava wahn aalso help wi fi noa wen wi di geh prowd er jelos, ahn hihn wahn help wi fi chaynj di way how wi feel bowt wiself.
18. How 2 Chronicles 6:29, 30 ku giv yoo komfert?
18 Reed 2 Chronicles 6:29, 30. * Jehoava noa how wi feel. Hihn aalso noa dat wee chrai wi bes fi noh bee paat a dis werl ahn dat wi fait wid wi oan weeknis dehn. Wen Jehoava si how haad wi fait gens dehnya tingz, ih lov wi eevn moa.
19. Weh ku help wi fi andastan how Jehoava feel bowt wi?
19 Jehoava yooz di lov bitween wahn ma an ih baybi fi shoa wi humoch hihn lov wi. (Isa. 49:15) Tink bowt di egzampl a Rachel hoo da wahn ma. Shee seh: “Mai daata Stephanie mi baan bifoa ih taim. Wen Ah mi fers si ahn, ih mi luk smaal ahn laik ih kyaahn eevn help ihself. Soh dehn mi haftu put ahn eena wahn inkyubayta. Bot dehn mi alow mi fi hoal ahn evri day joorin di fers mont a ih laif eevn doa ih mi eena haaspital. Joorin da taim, mee ahn mi lee baybi mi geh reeli kloas. Now shee siks yaaz oal an ih smaala dan di pikni dehn weh saym ayj az shee. Bot Ah lov ahn wahn lat, bikaaz shee mi fait haad fi liv; shee mek Ai feel reeli hapi!” Wi soh hapi fi noa dat Jehoava lov wi soh moch wen ih si dat wi di du wi bes fi serv ahn!
20. Wai Jehoava servant dehn ku bee hapi?
20 Bikaaz yoo da wan a Jehoava servant, yoo da wahn preshos paat a fi hihn famili ahn dehn noh ga nobadi els laik yoo. Jehoava neva jraa yoo tu hihn bikaaz yu mi beta dan ada peepl. Hihn du it bikaaz hihn si dat yu hombl ahn dat yu wilin fi laan fahn hihn ahn chaynj yu wayz. (Ps. 25:9) Yu ku bee shoar dat Jehoava hapi wen yu du yu bes fi serv ahn. Wen yu bayr op, ih shoa dat yu faytful ahn dat yu ga wahn gud “haat.” (Look 8:15) Soh kantinyu fi gi Jehoava fi yoo bes. Den yu wahn ga gud reezn fi “feel gud bowt [yuself].”
SANG 38 Gaad Wahn Mek Yu Schrang
^ párr. 5 Jehoava noh kompyaa wi wid adaz. Bot wee mait en op di kompyaa wiself wid adaz an den wi staat tu feel dat wi noh gud inof. Eena dis aatikl, wi wahn diskos wai ih noh gud fi kompyaa wiself wid adaz. Wi wahn aalso si how wi ku help famili membaz ahn dehn wan eena di kangrigayshan fi si dehnself di way how Jehoava si dehn.
^ párr. 5 Som a di naym dehn chaynj.
^ párr. 6 Psalm 131:1, 2: “Oa Jehoava, mi haat noh hai ahn maiti, ner mi aiy dehn prowd; Ah noh aym fi notn weh tu grayt, er tingz weh tu wandaful fi mee. 2 Ah kaam ahn kwaiyet mi soal laik wahn lee pikni wen ih ma di bak ahn; Ah feel kantentid laik da lee pikni.”
^ párr. 7 Eevn doa di paragraaf menshan di hozban, di prinsiplz da fi di waif dehn tu.
^ párr. 11 Isaiah 57:15: “Dis da weh di Hai ahn Maiti Wan seh, di Wan weh liv fareva ahn ga wahn hoali naym: ‘Ai liv eena di hai ahn hoali plays, bot Ai aalso liv wid di wan dehn weh feel dong ahn hoaples. Ah wahn help di wan dehn weh feel hoaples an Ah wahn help di wan dehn weh feel dong.’”
^ párr. 18 2 Chronicles 6:29, 30: “‘Wateva pryaa, wateva eni persn wuda bayg yu fa er bai aal Izrel wen dehn mi schrech owt dehn han tuwaadz dis hows (bikaaz eech persn noa dehn oan payn ahn prablemz weh dehn di sofa). 30 Soh pleez hyaa dehn fahn di hevnz, fahn di plays wehpaat yoo liv, ahn fergiv dehn. Riwaad eech persn akaadn tu ih wayz, bikaaz yoo noa weh eena ih haat (onli yoo noa weh reeli dehn eena wahn persn haat).’”
^ párr. 61 DI PICHA: Joorin famili wership, wahn kopl hapi fi si weh eech wan a dehn pikni mek wail dehn di bil Noawa aak.
^ párr. 65 DI PICHA: Wahn singl payrent weh ga ih lee son weh di goh da preeskool di mek planz soh dat shee ku agzilari painyaa, ahn shee mi hapi fi reech ih goal.