Reed Daniel 9:​1-19 fi laan wai ih impoatant fi du deep stodi a di Baibl.

Andastan di sichuwayshan. Wen yu stodi Daniel 9:​1-19, aks yuself, ‘Weh mi hapm bifoa dis, ahn how evriting mi afek Danyel?ʼ (Dan. 5:29–6:5) ‘How Ah wuda mi feel if Ai da-mi Danyel?ʼ

Saach fi moa infamayshan. Wich “hoali buks” Danyel kuda mi reed ahn stodi? (Dan. 9:​2, ftn.; w11-E 1/1 22 ¶2) Wai Danyel mi need fi kanfes ih sinz ahn di nayshan a Izrel sinz? (Lev. 26:​39-42; 1 Ki. 8:​46-50; dp-E 182-184) How Danyel pryaa shoa dat hihn mi stodi di Skripchaz gud?—Dan. 9:​11-13.

Weh lesnz wi ku laan fahn Danyel? Aks yuself:

• ‘Weh wi ku du fi mek di tingz weh di hapm eena di werl noh dischrak wi?ʼ (Mic. 7:7)

• ‘If Ai tek taim fi reeli stodi di Skripchaz laik Danyel, how dat wahn help mi?ʼ (w04-E 8/1 12 ¶17)

• ‘Weh kaina tapiks Ah ku stodi bowt fi help mi “kip pahn di lukowt”?ʼ (Mach. 24:​42, 44; w12-E 8/15 5 ¶7-8)