STODI AATIKL 25
Noh Hert “Eni Wan a Dehnya Lee Wan Ya”
“Unu noh luk dong pahn eni wan a dehnya lee wan ya.”—MACH. 18:10.
SANG 113 Di Pees Weh Gaad Gi Wi
WEH WI WAHN DISKOS? *
1. Weh Jehoava du fi eech wan a wi?
JEHOAVA jraa eech wan a wi tu hihn. (Jan 6:44) Dat meenz dat wen Jehoava luk pahn aal di bilyanz a peepl weh liv pahn dis ert, hihn si yoo, ahn hihn si sohnting preshos eena yoo. Hihn si dat yu ga wahn gud haat ahn dat yu ku laan fi lov ahn. (1 Chron. 28:9) Jehoava noa yu, ih andastan yu, an ih lov yu. Dat veri inkorijin, noh chroo?
2. How Jeezas help wi fi andastan humoch Jehoava kay fi eech wan a wi?
2 Jehoava kay wahn lat bowt yoo, an ih aalso kay wahn lat bowt yu Kristyan bradaz ahn sistaz. Fi help wi andastan dat, Jeezas eksplayn dat Jehoava da laik wahn shepad. If 1 sheep owta 100 geh laas, weh di shepad wuda du? Ih wahn “lef di 99 pahn di mongtin ahn goh luk fi di wan weh schray weh.” Wen di shepad fain di sheep, ih noh wahn geh beks wid ahn. Ih wahn bee hapi. Weh dat meenz fi wee? Dat meenz dat evri sheep impoatant tu Jehoava. Jeezas mi seh: “Jos laik dat, mai Faada da hevn noh waahn non a dehnya lee wan fi geh laas.”—Mach. 18:12-14.
3. Weh wi wahn diskos eena dis aatikl?
3 Non a wi wuda eva waahn du eniting fi diskorij wi bradaz ahn sistaz. How wi ku mek shoar dat wi noh stombl er hert nobadi? Weh wee ku du if sombadi hert wi? Wi wahn ansa dehnya kweschanz eena dis aatikl. Bot fers, mek wi laan moa bowt “dehnya lee wan” weh Machyu chapta 18 taak bowt.
HOO DA “DEHNYA LEE WAN”?
4. Hoo da “dehnya lee wan” weh Machyu chapta 18 taak bowt?
4 “Dehnya lee wan” da aala Jeezas disaipl dehn. Aala dehn da “laik yong chiljren” bikaaz dehn wilin fi laan fahn Jeezas. (Mach. 18:3) Eevn doa dehn mait kohn fahn difrent plays ahn kolcha, ahn dehn mait si tingz difrent, aala dehn shoa dat dehn ga fayt eena Krais. Ahn Krais lov dehn wahn lat.—Mach. 18:6; Jan 1:12.
5. How Jehoava feel wen sombadi stombl er hert wan a fi hihn peepl?
5 Aala “dehnya lee wan” preshos tu Jehoava. How wi noa dis? Wel, mek wi tink how wi feel bowt chiljren. Wi waahn protek dehn bikaaz dehn noh ga di schrent, ekspeeryens, ahn wizdom weh adolts gat. Wi don noh laik fi si wen sombadi hert wahn neks persn, ahn wi geh eevn moa beks wen sombadi hert wahn pikni. Dis da di saym way how Jehoava feel bowt wee. Hihn waahn protek wi, ahn hihn geh beks wen sombadi stombl er hert wan a fi hihn peepl!—Isa. 63:9; Maak 9:42.
6. Akaadn tu 1 Korintyanz 1:26-29, how peepl eena di werl vyoo Jeezas disaipl dehn?
6 Wat da wahn nada reezn wai Jeezas kaal ih disaiplz “dehnya lee wan”? Wel, peepl eena di werl luk op tu dehn wan weh rich, faymos, ahn powaful. Jeezas disaipl dehn da noh laik dat, akchwali peepl luk dong pahn dehn. (Reed 1 Korintyanz 1:26-29.) Bot, dat da noh how Jehoava vyoo dehn.
7. How Jehoava waahn wi feel bowt wi bradaz ahn sistaz?
7 Jehoava lov aala ih servant dehn noh mata how lang dehn di serv ahn. Aala dehn impoatant tu hihn, soh dehn shuda bee impoatant tu wee tu. Wi waahn “ga lov fi wi bradaz weh deh aal oava di werl.” Wi haftu lov aala dehn, noh jos som a dehn. (1 Peet. 2:17) Wi haftu bee wilin fi du wateva wi kud fi protek dehn ahn kay fi dehn. Soh if wi fain owt dat wi hert er ofen sombadi, wi shudn play laik notn hapm ahn tink dat da fi dehn prablem ahn dehn need fi get oava it. Wai som a wi bradaz eezi fi kech feelinz doh? Maybi da bikaaz a how dehn groa op dehn ga wahn negitiv vyoo bowt dehnself. Adaz jos kom eena di chroot, ahn dehn stil di laan dat dehn haftu fergiv adaz wen dehn mek wahn mistayk. Bot noh mata wai wee er sombadi els geh hert, wi haftu chrai wi bes fi mek pees. Aalso, if sombadi eezi fi kech feelinz, dehn need fi andastan dat ih noh gud fi ga da kwaliti ahn dehn need fi werk pan it. Wen dehn du dat, dehn wahn bee hapiya ahn dehn wahn get lang wid dehn bradaz.
KANSIDA ADAZ FI BEE MOA IMPOATANT
8. Eena Jeezas taim, weh atichood peepl mi gat weh mi afek fi hihn disaipl dehn?
8 Wai Jeezas mi taak bowt “dehnya lee wan”? Ih disaipl dehn mi aks ahn wahn kweschan: “Hoo wahn bee di graytis persn eena di Kingdom a hevn?” (Mach. 18:1) Lata Jooz bak den mi waahn mek ada peepl tink dat dehn veri impoatant. Wahn profesa seh: “Di moas impoatant ting eena fi dehn laif da-mi fi bee faymos ahn fi mek ada peepl aana dehn.”
9. Weh Jeezas disaipl dehn mi haftu du?
9 Jeezas mi noa dat lata Jooz mi tink dat ih impoatant fi bee beta dan adaz. Soh, fi hihn disaipl dehn mi haftu werk Look 22:26) Wi ak laik wee da “di yongis” wen wi “kansida ada peepl fi bee moa impoatant” dan wee. (Fil. 2:3) Wen wi ak laik dat, wi noh wahn hert wi bradaz ahn sistaz.
haad fi chaynj di way how dehn tink. Hihn mi tel dehn: “Unu fi mek di persn weh moa impoatant monks unu bee laik di yongis, ahn di persn weh di tek di leed fi bee laik di wan weh di serv.” (10. Weh kongsl fahn Paal wi shuda fala?
10 Aala wi bradaz ahn sistaz moa impoatant dan wi eena sohn kaina way. Dat eezi fi andastan wen wi foakos pahn dehn gud kwalitiz. Wi shuda tek tu haat di kongsl weh di apasl Paal mi gi di Kristyanz da Korint. Hihn mi tel dehn: “Da wat mek yoo difrent fahn enibadi els? Ahn weh yoo gat weh Gaad neva gi yu? An if Gaad mi gi yu evriting, den wai yu di boas laik if Gaad neva gi yu notn?” (1 Kor. 4:7) Wi wuda neva waahn kaal atenshan tu wiself er chrai mek ada peepl tink dat wee moa impoatant dan enibadi els. Soh if wahn brada da wahn gud speeka, er wahn sista aybl fi staat lata Baibl stodiz, dehn shuda aalwayz gi prayz tu Jehoava fi di tingz weh dehn du.
FERGIV “FAHN YU HAAT”
11. Weh wi laan fahn Jeezas iloschrayshan bowt wahn king an ih slayv?
11 Afta Jeezas mi waan ih disaipl dehn noh fi hert adaz, hihn mi tel dehn wahn iloschrayshan bowt wahn king an ih slayv. Di slayv mi oa di king lata moni dat ih mi wahn kyaahn pay ahn bak. Bot di king mi kyansl weh di slayv mi oa. Laytaraan, da saym slayv neva wilin fi kyansl weh wahn neks slayv mi oa ahn, eevn doa da mi onli lee bit a moni. Soh di king mi en op di chroa da meen slayv eena prizn. Weh wi laan fahn dis iloschrayshan? Jeezas mi seh: “Jos laik dat, mai Faada da hevn wahn deel wid unu if unu noh fergiv unu brada fahn unu haat.”—Mach. 18:21-35.
12. How wi hert adaz wen wi noh wilin fi fergiv dehn?
12 Di slayv eena Jeezas iloschrayshan neva onli hert ihself bot ih mi hert adaz rong ahn tu. Fers, ih mi hert di ada slayv bikaaz ih mi meen tu ahn, an ih neva shoa ahn no mersi wen ih “chroa ahn eena prizn til ih kuda mi pay bak evriting weh ih oa.” Sekant, ih mi hert di ada slayv dehn weh mi si weh mi hapm. Wen “di ada slayv dehn si weh hapm, dehn geh sad.” Sayhn way soh, weh wi du afek adaz rong wi. Weh ku hapm if wi noh wilin fi fergiv wi brada er sista? Fers, wi hert dehn bikaaz wi noh wilin fi fergiv dehn, wi noh pay dehn no main, ahn wi noh chreet dehn eena wahn lovin way. Sekant, wi hert adaz eena di kangrigayshan bikaaz dehn feel sad wen dehn si dat wi ga wahn prablem wid wi brada er sista ahn wi noh wilin fi fiks wi rilayshanship wid dehn.
Yu wahn hoal malis, er yu wahn fergiv fahn yu haat? (Paragraaf 13-14) *
13. Weh wi laan fahn weh mi hapm tu Crystal?
13 Wen wi fergiv wi bradaz ahn sistaz, wi feel beta ahn wi help adaz fi feel beta tu. Dat da weh wahn painyaa sista weh naym Crystal mi fain owt wen wahn sista eena di kangrigayshan mi hert ahn. Crystal seh: “Di tingz weh shee yoostu seh mi hert mi wahn lat. Wen Ah yoostu goh owt pahn feel servis, Ah neva eevn waahn werk wid shee. Ah mi staat tu looz mi jai ahn mi lov fi di minischri.” Crystal mi feel laik shee mi ga gud reezn fi geh beks. Bot ih neva hoal malis er feel sari fi Fergiv Fahn Yu Haat”. Shee mi fergiv ih sista. Crystal seh: “Now Ah andastan dat aala wi di chrai haad fi mek chaynjiz ahn dat Jehoava wilin fi fergiv wi evri day. Ah feel laik Ah noh haftu bak da berdn nohmoh. Ah feel hapi agen.”
ihself. Shee mi hombl an ih fala di Baibl kongsl weh ih fain eena wahn aatikl a Di Wachtowa a Aktoaba 15, 1999 “14. Akaadn tu Machyu 18:21, 22, weh prablem di apasl Peeta kuda mi ga, ahn weh yu laan fahn weh Jeezas mi tel ahn?
14 Wi haftu fergiv adaz. Wi noa dat da di rait ting fi du, bot da noh sohnting weh eezi fi du. Di apasl Peeta kuda mi feel laik dat sohntaim. (Reed Machyu 18:21, 22.) Weh ku help wi fi fergiv adaz? Fers, tink bowt humoch Jehoava don fergiv yoo. (Mach. 18:32, 33) Wi noh dizerv fi hihn fergivnis, bot hihn wilin fi fergiv wi. (Ps. 103:8-10) Soh, “wee haftu lov wan anada tu.” Dat meenz dat wi haftu fergiv wi bradaz ahn sistaz. (1 Jan 4:11) Sekant, tink bowt weh hapm wen wi fergiv adaz. Wi ku help di persn weh mi hert wi, wi help kip di pees eena di kangrigayshan, wi protek wi rilayshanship wid Jehoava, ahn wi noh haftu bak da berdn nohmoh. (2 Kor. 2:7; Kol. 3:14) Fainali, pray tu di Wan weh aks wi fi fergiv. Noh gi Saytan di chaans fi get bitween yoo an yu bradaz ahn sistaz. (Ifee. 4:26, 27) Wi need Jehoava help soh dat wi ku ga pees eena di kangrigayshan.
NOH MEK NOTN STOMBL YU
15. Weh Koloashanz 3:13 seh wi fi du if wahn brada er sista du sohnting weh hert wi er mek wi geh beks?
15 Wat if wahn brada er sista du sohnting weh reeli hert yu? Weh yu shuda du? Chrai haad fi mek pees. Pray tu Jehoava ahn tel ahn how yu feel. Aks ahn fi bles di persn weh hert yu, ahn fi help yu si di gud Look 6:28) If yu kyaahn ferget weh dehn du tu yu, den tink bowt weh wuda bee di bes way fi taak tu dehn bowt it. Ih aalwayz gud fi tink dat dehn neva meen fi hert yu. (Mach. 5:23, 24; 1 Kor. 13:7) Wen yu goh taak tu dehn, chrai bee pazitiv. An if dehn noh waahn mek pees, “kantinyu fi put op wid” dehn ahn noh giv op. (Reed Koloashanz 3:13.) Moas impoatant, noh hoal malis kaaz dat ku damij yu rilayshanship wid Jehoava. Noh mek notn stombl yu. Wen yu du dat, yu proov dat yu lov Jehoava moa dan eniting els.—Ps. 119:165.
kwalitiz weh hihn si eena dehn. (16. Weh rispansabiliti eech wan a wi gat?
16 Wi tankful fi di privilij fi serv Jehoava tugeda wid wi bradaz ahn sistaz az “wan flak” anda “wan shepad”! (Jan 10:16) Di Organized to Do Jehovahʼs Will buk, payj 165, seh: “Bikaaz yu injai da yooniti, yu ga di rispansabiliti fi help mantayn it.” Soh wi need fi “laan fi si wi bradaz ahn sistaz di way Jehoava si dehn.” Aala dehnya “lee wan,” inkloodin wee, preshos tu Jehoava. Da soh yoo si yu bradaz ahn sistaz? Jehoava si an apreeshiayt evriting weh yoo du fi help dehn.—Mach. 10:42.
17. Weh wi mek op wi main fi du?
17 Wi lov wi bradaz ahn sistaz, soh wi “mek op wi main noh fi du notn weh ku kaaz wi brada fi stombl er schray weh fahn di fayt.” (Roam. 14:13) Wi kansida wi bradaz ahn sistaz fi bee moa impoatant dan wee, ahn wi waahn fergiv dehn fahn wi haat. Mek wi noh alow notn weh adaz du fi stombl wi. Rada, mek wi chooz fi “du aal weh wi kud fi mek pees ahn fi bil op wan anada.”—Roam. 14:19.
SANG 130 Fagiv Adaz
^ párr. 5 Wi noh perfek, soh sohntaim wi mait du er seh tingz weh hert wi bradaz ahn sistaz. Weh wi ku du wen dat hapm? Wee chrai wi bes fi mek pees? Wi hori fi seh dat wi sari? Er wi mait tink tu wiself: “Dehn jos eezi fi kech feelinz mek dehn stay rait deh!” Sopoaz wee da di wan weh eezi fi kech feelinz, weh wi shuda du? Wee kwik fi chrai difen wiself ahn seh: “Dis da jos how Ai stan an Ai kyaahn chaynj dat.” Er wi andastan dat wi haftu mek chaynjiz?
^ párr. 53 DI PICHA: Wahn sista beks wid wahn nada sista eena di kangrigayshan. Dehn fiks di prablem, an afta dat dehn hapi fi serv Jehoava tugeda.