Stodi Tip
How fi Yooz di “Si Weh Da di Laytes” ahn “Whatʼs New” Sekshan?
Di “Weh Da di Laytes” sekshan pahn jw.org ahn di “Whatʼs New” sekshan eena JW Library® shoa wi di aatikl ahn veedyo dehn weh laytli geh rilees pahn di websait an eena di ap. How yu ku yooz dis fi kip op wid di laytes infamayshan?
If yu di yooz JW Library
Wen wahn nyoo aatikl kom owt, dehn opdayt di aatikl seeriz far it. Soh wen wahn aatikl seeriz shoa op eena di “Whatʼs New” sekshan, yu ku dongload di laytes verzhan a da seeriz. Den yu wahn ku reed di nyoo aatikl weh wahn deh pahn di tap a di lis eena da seeriz, kaaz di aatikl dehn wahn lis aaf bai dayt.
Dehn ga langa poblikayshanz, laik di magazeen dehn, weh yu mait kyaahn reed di hoal a it. Bot dehn ga sohnting weh yu kud du. Yu ku ad dehn tu yu “Favorites” lis soh dat yu ku kip chrak a weh yu di reed ahn wehpaat yu deh eena yu reedin. Wen yu finish reed it, yu ku tek it aafa yu “Favorites” lis.
If yu deh pahn JW.ORG
Som a di infamayshan weh wi get onli avaylabl pahn wi websait, noh eena JW Library. Memba fi chek di “Si Weh Da di Laytes” sekshan regyula fi di laytes aatikl dehn.
