“Wen Ah feel dipres, Ah feel laik Jehoava inkorij mi wid di sang dehn pahn JW Braadkyaastin.”—Lorraine, U.S.A.

Kristyanz mi aalwayz yooz “sangz fi wership” Jehoava. (Kol. 3:16) If yu laan dehn sang bai haat, dehn ku help yu eevn wen yu noh ga wahn sangbuk er ilekchranik divais wid yu. Chrai di sojeshanz eena dis aatikl fi help yu memoraiz wi sang dehn.

• Reed di werdz fi di sang soh dat yu ku andastan weh di sang di seh. Yu ku memba infamayshan beta if yu andastan it gud. Yu ku fain di werdz fi aala wi sang dehn pahn jw.org, inkloodin di orijinal sang dehn ahn di sang dehn fi pikni. Goh da di Laibri sekshan ahn luk anda Myoozik.

• Rait dong di werdz fi di sang. Dat wahn mek it eeziya fi memba di werdz.—Deut. 17:18.

• Praktis di sang owt lowd. Reed er sing di sang oava ahn oava.

• Tes yu memri. Chrai memba di sang widowt di luk pahn di werdz, ahn den chek fi si how yu du.