Yoo wuda waahn geh moa fahn yu persnal stodi? Dehnya aidyaaz mait help yu fi foakos moa wen yu di stodi:

• Pik wahn nais spat. If pasabl, fain wahn plays weh neet ahn kleen ahn weh ga inof lait soh yu ku reed gud. Yu ku sidong da wahn des er taybl, er yu ku fain wahn nais komfatabl spat owtsaid.

• Fain sohnweh weh yu ku deh bai yuself. Jeezas gaan owt “erli di maanin” fi goh pray da “wahn plays weh ih kuda mi deh bai ihself.” (Maak 1:35) If yu kyaahn fain sohnweh weh yu ku deh bai yuself fi du yu persnal stodi, yu ku aks yu famili er enibadi els weh liv eena di saym hows wid yu fi noh intarop yu joorin da taim.

• Noh mek notn dischrak yu. If yu yooz yu foan er tablet fi stodi, ton aaf di noatifikayshanz er put it eena ayaaplayn moad soh dat notn intarop yu. An if yu tink bowt sohnting weh yu mait need fi du, rait it dong ahn tek kayr a it layta. If yu fain it haad fi foakos, tek wahn lee waak er schrech wahn lee bit.