Az wi geh redi fi stodi, wi mait aks wiself, ‘Weh Ai di ekspek fi laan?ʼ Wi mait ga sohnting eena main, bot wi need fi memba dat Jehoava mait ga sohnting nyoo fi teech wi. Soh, how wi ku lisn tu weh Jehoava di teech wi?

Pray fi wizdom. Aks Jehoava fi help yu andastan gud weh ih waahn yu laan evri taim yu stodi. (Jay. 1:5) Noh bee kantentid onli wid weh yu laan eena di paas.—Prav. 3:​5, 6.

Mek di powa a Gaad Werd help yu. “Di werd a Gaad alaiv.” (Heeb. 4:12) Yes, Gaad Werd ku help wi eena difrent wayz, an eech taim wi reed it, ih ku teech wi sohnting nyoo. Bot dis ku onli hapm if wi andastan dat wi need fi laan weh Gaad di teech wi.

Bee tankful fi evriting weh Jehoava di teech wi. Jehoava pramis fi gi wi wahn “bankwit a gud ahn nais food.” (Isa. 25:6) Noh di pik ahn chooz tapiks weh yu tink yu noh wahn injai stodi. Fi shoar yu wahn benifit fahn weh yu reed, bikaaz yu wahn bee wahn beta persn ahn yu wahn laan fi reeli injai stodi!