WEE KU GEH RID A HAYCHRID
2 | Noh Tek Rivenj
Di Baibl Seh:
“If sombadi du unu sohnting bad, noh pay bak bad fi bad. . . . Du aal weh unu kud fi liv eena pees wid evribadi. . . . If sombadi du unu sohnting bad, noh chrai mek dehn pay fi weh dehn du unu. . . . Kaaz da jos laik weh rait dong eena di Skripchaz: ‘Jehoava seh, “Venjans bilangz tu mee. Ai wahn pay dehn bak fi di bad tingz weh dehn du.”ʼ”—ROAMANZ 12:17-19.
Weh ih Meen?
Ih naamal fi mek wi geh beks wen sohnbadi du wi sohnting bad, bot Gaad noh waahn mek wi tek rivenj. Insteda dat, hihn inkorij wi fi wayt pan ahn bikaaz hihn wahn soon geh rid a injostis.—Psalm 37:7, 10.
Weh Yu Ku Du?
Wen imperfek hyoomanz tek rivenj, ih kaaz moa haychrid. Soh dat da wai if sohnbadi du yu sohnting weh ofen er hert yu, noh tek rivenj. Chrai kanchroal yu feelinz ahn ga pees. Sohntaim, ih mait beta fi jos ferget bowt weh mi hapm. (Proverbs 19:11) Ada taimz, ih mait bee beta fi ripoat weh mi hapm. Fi egzampl, if yu da wahn viktim a wahn kraim, yu ku chooz fi ripoat it tu di polees.
Rivenj onli kaaz moa haychrid
Wat if dehn noh ga no peesful way fi fiks di prablem? Er wat if yu don du evriting weh yu kud fi fiks di prablem eena wahn peesful way? Noh tek rivenj, dat onli mek di prablem wers. If yu noh tek rivenj, yu wahn di help geh rid a haychrid. Chros eena Jehoava way fi fiks di prablem. “Pen pahn hihn, an hihn wahn help yu.”—Psalm 37:3-5.
Yu Mait Aalso Laik
DI BAIBL CHAYNJ PEEPL LAIF
Ah Mi Waahn Stap Injostis
Rafika mi jain wahn groop weh mi waahn stap injostis bitween difrent rays. Bot shee mi fain di pramis dehn fahn di Baibl bowt pees ahn jostis anda Gaad Kingdom.
DI BAIBL CHAYNJ PEEPL LAIF
Da Wen Laayal Lov Wahn Win di Vikchri Oava Haychrid?
Ih ku bee veri haad fi get oava prejudis. Laan how wahn Jooish man ahn wahn man fahn Palestine mi aybl fi du it.
