SANG 10
Prayz Jehoava Wi Gaad!
-
1. Prayz wi Gaad! Prayz Jehoava Gaad!
Giv ahn gloari, aana, ahn prayz!
Spred di werd, mek di peepl hyaa,
mek dehn noa di fyoocha weh wi fays.
Jehoava di seh dat now da di taim
fi mek Jeezas stan op az King.
Wi waahn evribadi hyaa dis gud nyooz,
bowt di blesinz weh Gaad wahn bring!
(KOAROS)
Prayz wi Gaad! Prayz Jehoava Gaad!
Mek di hoal ert noa di Gaad wi serv!
-
2. Prayz wi Gaad! Sing it lowd ahn klyaa!
Wid wahn hapi sang, prayz ih naym!
Fahn yu haat, giv ahn prayz ahn tanks,
stan op laayal, noh giv een tu shaym.
Jehoava shoa mersi, kainis, ahn lov
eevn doa hihn soh powaful.
Hihn lisn wid payshens wen wi di pray,
an ih ansa dehn wandaful.
(KOAROS)
Prayz wi Gaad! Prayz Jehoava Gaad!
Mek di hoal ert noa di Gaad wi serv!
(Ada skripchaz: Ps. 89:27; 105:1; Jer. 33:11.)
