1. Wi laan how fi shoa chroo lov fahn Jehoava;

wee mantayn lovin wayz.

Bai aal weh ih du ahn how gud ih chreet wi,

hihn shoa di way wee fi bihayv.

Ih gi wi ih Son az proof a ih gudnis,

fi pay fi wi sin an aafa fagivnis,

an eevn doa wee noa wi noh dizerv dis,

hihn shoa chroo lov! Yes, Gaad way da lov.

2. Wen wee laan fi lov ahn kay fi wi bradaz

haat ahn soal, yong er oal,

den wi aalwayz chooz fi luk owt fi adaz,

dis da wi roal, dis da wi goal.

Wi lov fi wi Gaad ahn lov fi wi bradaz—

wi kyaahn ga di wan widowt ga di ada—

ih help wi fagiv ahn serv wan anada

ahn proov wi lov da reeli chroo lov.

3. Di lov weh wi laan help wi stik tugeda

mek wi bee famili.

Jehoava wi Gaad gi dis invitayshan:

“Kohn ya ahn si reel yooniti.”

Kohn laan bowt chroo lov, yu noh haftu loanli.

Kohn si how Gaad Werd ahn spirit yoonait wi.

Wi bradaz ahn frenz deh ya fi sopoat wi—

dis way da lov. Jehoava da lov.