SANG 111
Di Ting Dehn Weh Mek Wi Feel Hapi
-
1. Di blesinz weh kohn fahn Jehoava
da moa dahn wi aks ahn fi giv.
Wi help peepl laan how fi serv hihn
soh wen di en kohn dehn ku liv.
Di Baibl kantinyu fi gaid wi,
wi stodi ahn yooz weh wi laan.
Di way how Jehoava riwaad wi
da moa dahn wi eva ku waahn.
Di feelinz fahn deep dong eensaid wi,
no payn kuda eva irays.
Di Devl hihn chrai fi dischrai wi,
bot hapinis shain pahn wi fays.
(KOAROS)
Wi hapinis kohn fahn wi Gaad.
Wi lov evriting weh hihn du.
Wi prayz ahn wid sang, wi giv ahn wi haat,
wi aalwayz stay laayal ahn chroo!
-
2. Jehoava mek evriting priti,
di hevn, di ert, ahn di see.
Ih mek dehn soh wee ku injai dehn,
ih mek dehn fi yoo ahn fi mee.
Soh weh wi ku du fi seh: “Tank yu”
da preech bowt di Kingdom a Gaad,
di Paradais ert, ahn di blesinz
fahn Jeezas wi King ahn wi Laad.
Ih pramis fi bles wi fareva,
fi gaid wi fahn daaknis tu lait.
Wi hapinis mek wi eksaitid
fi prayz Gaad eech day an eech nait.
(KOAROS)
Wi hapinis kohn fahn wi Gaad.
Wi lov evriting weh hihn du.
Wi prayz ahn wid sang, wi giv ahn wi haat,
wi aalwayz stay laayal ahn chroo!
(Ada skripchaz: Deut. 16:15; Isa. 12:6; Jan 15:11.)
