1. Jehoava Gaad soh mersiful,

di way ih shoa it wandaful.

Ih hapi fi tek kayr a wee

ahn gi wi evriting wi need.

If wee ripent ahn aks fi help

ih help wi fi karek wiself.

Ih noh jos du it kaaz ih shud,

ih shoa wi mersi kaaz hihn gud.

2. Soh wen wi sin ahn wi feel bad,

wi pray ahn aks fi help fahn Gaad.

Wi Laad, Krais Jeezas, shoa di way

fi aks fi mersi wen wi pray.

Ih seh, ‘Fagiv weh adaz du,

soh Gaad wahn den fagiv yu tu.ʼ

Wen wee let goh di hert wi feel,

Jehoava gi wi pees weh reel.

3. Wen wee shoa mersi ahn wi giv,

wi shudn bee wahn hipokrit.

Wi noh help owt fi geh di prayz,

wi help owt eena seekrit wayz.

Den Gaad, hoo si di tingz wi du,

wahn bee di Wan hoo bles wi tu.

Yes, Gaad wahn bles di mersiful;

tu hihn dehn reeli byootiful.