SANG 139
Imajin Yuself Wen Evriting Nyoo
-
1. Jos kloaz yu aiy, oapm yu main,
ahn den imajin yu reech Paradais.
Di ert soh green, di skai soh bloo,
di peepl hapi; yoo hapi tu.
No wikidnis, no schres ner payn;
wid ert nyoo King, blesinz faal laik rayn.
Now pees ahn chroo wership di lif op wi haat,
wi sing dis nyoo sang
fi gi tanks ahn prayz tu Gaad:
(KOAROS)
“Jehoava, wi Gaad, wi giv tanks tu yoo;
yu Son da King ahn now evriting nyoo.
Wi gi yu aal di gloari ahn prayz fahn wi haat;
wi tank yu an prayz yu Jehoava, Oa wi Gaad.”
-
2. Soh tek di taim fi tink it chroo,
ahn chrai imajin weh wee kuda du
wen lov ahn pees deh evriway,
an notn eevl ku haam wi deh.
Gaad pramis dehn kud neva fayl;
dehn aal kohn chroo tu di laas deetayl.
An eevn di ded rezorek bak tu laif;
tugeda wi sing fahn wi haat
wid aal wi vais:
(KOAROS)
“Jehoava, wi Gaad, wi giv tanks tu yoo;
yu Son da King ahn now evriting nyoo.
Wi gi yu aal di gloari ahn prayz fahn wi haat;
wi tank yu an prayz yu Jehoava, Oa wi Gaad.”
(Ada skripchaz: Ps. 37:10, 11; Isa. 65:17; Jan 5:28; 2 Pee. 3:13.)
