SANG 142
Hoal Aan tu di Hoap Weh Gaad Gi Wi
-
1. Hyoomanz di schrogl fareva eena daaknis.
Dehn chrai fi fiks tingz bot notn werk ataal.
Det ahn dischrokshan ahn saro ahn siknis—
luk pahn how faar Adam mek wi faal!
(KOAROS)
Sing ahn giv prayz! Gaad day neva wahn layt!
Gaad Son don di rool; wi noh haftu bee frayd.
Tingz noh ga lang, soon di badnis wahn gaan.
Dis hoap da wahn anka weh help wi stay schrang.
-
2. “Gaad day di kohn!” da di mesij wi di preech now;
soon non a wee wahn ga saro er di krai.
Gaad wahn dischrai aal di badnis wi si now.
Tink bowt di freedom wi soon injai!
(KOAROS)
Sing ahn giv prayz! Gaad day neva wahn layt!
Gaad Son don di rool; wi noh haftu bee frayd.
Tingz noh ga lang, soon di badnis wahn gaan.
Dis hoap da wahn anka weh help wi stay schrang.
(Ada skripchaz: Ps. 27:14; Eccl. 1:14; Joel 2:1; Hab. 1:2, 3; Roam. 8:22.)
