SANG 15
Prayz Jehoava Son!
-
1. Prayz tu Gaad Son, Jeezas;
Gaad chooz hihn fi rool az King.
Hihn rool wid chroot ahn jostis—
imajin di blesin dehn.
Ih lov ahn serv ih Faada,
ih prayz ahn day bai day,
ih teech wi how fi aana
Jehoava hoali naym.
(KOAROS)
Prayz tu Gaad Son, Jeezas!
Gaad chooz hihn fi rool az King.
Ih rool fahn op da hevn,
ih rool oava evriting!
-
2. Prayz tu Gaad Son, Jeezas!
Ih ded soh dat wee kud liv.
Ih pay tu Gaad di ransom
soh Gaad kud fagiv wi sin.
Ih wayt fi geh ih Kingdom
ahn marid tu ih braid.
Dis marij op da hevn
wahn proov dat Gaad way rait!
(KOAROS)
Prayz tu Gaad Son, Jeezas!
Gaad chooz hihn fi rool az King.
Ih rool fahn op da hevn,
ih rool oava evriting!
