1. Jehoava, dis eevnin soh speshal!

Dis nait ga deep meenin fi wee.

Ih goh bak tu di day Izrel yoostu bee slayv;

di nait wen da yoo set dehn free.

Di Paasoava lam mi protek dehn—

ih serv az wahn sain mek wi si:

wen yu Son giv ih laif, da ih blod pay di prais

fi di freedom weh yoo giv tu wee.

2. Di bred ahn di wain da fi help wi

fi picha di prais weh yu pay.

Yu mi sen dong yu Son;

hihn mi wilin fi kohn

fi sayv wi ahn oapm di way.

Wi haat ful wid apreeshiayshan,

wi kohn ya tunait mek wi shoa

how wi tankful fi yoo,

ahn fi weh Jeezas du,

ahn fi memba di prais weh wi hoa.

 3. Wi gyada tugeda fi prayz yu—

da yoo weh invait wi fi kohn—

ahn wi tek taim fi pray

ahn fi tink bowt di day

yu sofa di det a yu Son.

Soh Krais Eevnin Meel gi yu gloari,

da yoo mek provizhan fi sayv—

evri sina weh chaynj ahn ripent fahn dehn wayz

kud geh laif ahn wahn hoap weh noh fayd.