SANG 29
Wahn Peepl fi Gaad Naym
(Isaiah 43:10-12)
-
1. Grayt Gaad, Jehoava, di Sovrin, Almaiti,
aala yu wayz dehn soh perfek ahn rait.
Lovin ahn waiz, yu soh schrang ahn soh raichos,
yoo gaid yu peepl wid chroot ahn wid lait.
Servis tu yoo da di bes way a livin;
wee preech yu mesij wid aala wi haat.
(KOAROS)
Yoo put yu naym pahn wi, kaal wi yu Witnis;
wee da yu Witnisiz, yoo da wi Gaad!
-
2. Wee werk tugeda az bradaz ahn sistaz,
shoalda tu shoalda wid lov ahn wid pees.
Wee preech ahn teech jos laik Jeezas koman wi;
taim di ron owt fi mek peepl geh free.
Milyanz a peepl need hoap fi di fyoocha.
Hoo gwehn goh teech dehn ahn help dehn fi laan?
(KOAROS)
Yoo put yu naym pahn wi, kaal wi yu Witnis;
wee da yu Witnisiz, yoo da wi Gaad!
(Ada skripchaz: Deut. 32:4; Ps. 43:3; Dan. 2:20, 21.)
