1. Wi need fi ga wahn hombl haat,

bee faytful, aalwayz bee chroo.

Stay kloas tu Jehoava, stay bai ih said,

ahn mek ih spirit gaid yu.

Wi need fi liv bai ih hoali Werd

ahn liv wahn gaadli way.

Soh jos laik Noawa, waak wid Gaad—

aalwayz lisn an obay.

2. Gaad waahn wi waak wahn hoali way,

wahn way weh raichos ahn kleen.

Noh mata how Saytan chrai mek wi faal,

Jehoava help wi fait hihn.

Soh kip yu main pahn di tingz weh pyoar,

ahn raichos, kleen, ahn chroo,

kaaz dehnya tingz protek wi haat

ahn di tingz wi seh ahn du.

3. Soh waak wid Gaad, injai yu laif,

rijais dat hihn da yu Fren.

Bee tankful fi evri gif weh ih giv

ahn aal di fyoocha blesin.

Giv prayz ahn tanks, sing wahn hapi sang;

sing owt wid aal yu haat.

Yu jai wahn shoa, mek peepl noa,

dat yu waak langsaid yu Gaad.