SANG 55
Noh Bee Frayd!
-
1. Preech di Kingdom, noh geh fraitn,
spred di werd fahn doa tu doa
dat Gaad payshent, hihn noh sloa.
Soh wi need fi mek dehn noa.
Tel dehn Jeezas win di vikchri
an ih don di rool az King,
an ih soon dischrai di Devl;
Hihn wahn fait fi mek wi win.
(KOAROS)
Noh feel frayd wen peepl chretn,
noh geh kowad ner giv op.
Ai wahn neva eva lef yu.
Ai wahn bee di Gaad yu chros.
-
2. Saytan werl wahn aalwayz hayt yu;
dehn noh lov yu non ataal.
Dehn di wach yu if yu faal.
Dehn mait chrai kil yu anaal.
Soh stay faytful ahn stay laayal,
eevn if dehn ak laik fren.
Ai wahn giv yu schrent ahn powa
mek yu bayr op til di en.
(KOAROS)
Noh feel frayd wen peepl chretn,
noh geh kowad ner giv op.
Ai wahn neva eva lef yu.
Ai wahn bee di Gaad yu chros.
-
3. Neva dowt ahn neva wori,
noh giv een tu fyaa er frait.
Eevn if dehn tek yu laif,
Ah wahn stil mek mataz rait.
Wen mi Son dischrai di wikid
an di nyoo werl don bigin,
Ah wahn staat di rezorekshan
ahn bring bak mi servant dehn!
(KOAROS)
Noh feel frayd wen peepl chretn,
noh geh kowad ner giv op.
Ai wahn neva eva lef yu.
Ai wahn bee di Gaad yu chros.
(Ada skripchaz: Deut. 32:10; Neh. 4:14; Ps. 59:1; 83:2, 3.)