1. Jeezas spen taim di teech di Werd a Gaad;

fahn hows tu hows ahn pahn di schreet

ih spred di mesij aal abraad.

Hihn tek di taim fi saach fi fain di sheep,

ih waak chroo rayn ahn chroo son hat

jos fi help di meek.

Now Jeezas gi wi dis koman:

‘Goh preech ahn teech chroo evri lan,

ahn tel di peepl dat dehn prablem soon don.ʼ

 2. Taim di ron owt soh mek wi kip di pays,

kaa peepl need di chaans fi chooz,

di chaans fi lisn ahn geh sayv.

Wee chrai wi bes fi si weh Gaad di si—

fi si dehn haat ahn potenshal,

hoo dehn kuda bee.

Wi kip goh bak ahn du wi paat

ahn wen wi fain wahn preshos haat,

ih help wi fi obay ahn neva giv op.