SANG 60
Sayv Peepl Laif—Ahn fi Wee Wan Tu
(Ezekiel 3:17-19)
-
1. Memba now da di taim
fi wi preech mek peepl hyaa
dat di day a Jehoava
di kom, ih soon deh ya.
(KOAROS)
Dehn need fi noa, ahn den obay;
da onli soh dehn ku sayv.
An noh jos dehn, bot mee ahn yoo;
dis werk fi sayv wiself ahn dehn,
wee mos du.
-
2. Soh dis mesij wi preech
need fi spred tu evri lan
soh dat peepl ku laan bowt wi Gaad
ahn tek wahn stan.
(KOAROS)
Dehn need fi noa, ahn den obay;
da onli soh dehn ku sayv.
An noh jos dehn, bot mee ahn yoo;
dis werk fi sayv wiself ahn dehn,
wee mos du.
(BRIJ)
Dis mesij soh impoatant,
ahn peepl need fi lisn now.
Wi tel dehn, an wi teech dehn;
wi noh wahn stap, dis da wi vow!
(KOAROS)
Dehn need fi noa, ahn den obay;
da onli soh dehn ku sayv.
An noh jos dehn, bot mee ahn yoo;
dis werk fi sayv wiself ahn dehn,
wee mos du.
(Ada skripchaz: 2 Chron. 36:15; Isa. 61:2; Ezek. 33:6; 2 Tes. 1:8.)
