SANG 63
Wee Da Jehoava Witnisiz!
(Isaiah 43:10-12)
-
1. Peepl mek aal kaina gaad
weh kyaahn gi dehn no riwaad.
Dehn noh noa Jehoava,
di Almaiti Gaad.
Dehndeh play-play gaad kyaahn si
wat di fyoocha ga fi wi.
Dehn luk ahn luk bot nobadi deh
weh dehn ku kaal dehn witnis dehn.
(KOAROS)
Wee di serv Jehoava Gaad,
di Almaiti Sovrin Laad.
Wee ga di jai fi witnis fi hihn,
dis da wahn privʼlij fi wee.
-
2. Wee bayr witnis nait ahn day,
wee ga korij, wee noh frayd.
Stan op fi Jehoava!
Witnis bowt ih naym!
Wi help peepl mek dehn si
how di chroot ku set dehn free.
An az dehn laan di chroot bowt wi Gaad
dehn prayz ih naym ahn sing owt haad:
(KOAROS)
Wee di serv Jehoava Gaad,
di Almaiti Sovrin Laad.
Wee ga di jai fi witnis fi hihn,
dis da wahn privʼlij fi wee.
-
3. Wen wi preech bowt Gaad grayt naym,
wee dischrai di Devl klaym.
Wee kip Gaad naym hoali,
jos laik Jeezas seh.
Wee giv waanin tu di bad,
tel dehn, “Ton ahn wership Gaad;
stap du weh bad ahn du tingz weh rait.
Gaad pramis evalastin laif!”
(KOAROS)
Wee di serv Jehoava Gaad,
di Almaiti Sovrin Laad.
Wee ga di jai fi witnis fi hihn,
dis da wahn privʼlij fi wee.
(Ada skripchaz: Isa. 37:19; 55:11; Ezek. 3:19.)
