1. Mek wi groa, mek wi laan an bee spirichwal!

Shain wahn lait, teech di chroot, mek di mesij persnal.

Chrai yu bes fi kantinyu ahn neva faal;

giv Jehoava aal yu gat.

Jeezas teech wi ahn giv dis koman:

‘Preech tu peepl akraas evri lan,

luk tu Gaad an ih spirit fi help yu stan,

noh mek notn hoal yu bak.ʼ

2. Mek wi groa, mek wi witnis wid lov ahn fayt

ahn help peepl weh hombl fi noa ih noh tu layt!

Giv Jehoava wi Gaad aal wi tanks ahn prayz,

prayz ih naym fahn doa tu doa.

Eevn if peepl laaf ahn mek fon,

noh hoal bak til dis preechin werk don.

Tel di nyooz dat di Kingdom a Gaad di kohn.

Spred di mesij moa ahn moa.

 3. Mek wi groa, mek wi aalwayz gi Gaad wi bes

an werk haad fi du beta soh wee ku ga sokses.

Lata werk deh fi du, soh no taim fi res;

yooz di schrent Gaad spirit giv.

Lov di peepl yu werk haad fi fain.

Noh giv op, werk fi help dehn servaiv.

Help dehn reech tu di goal: evalastin laif

ahn di way Gaad waahn wi liv.