SANG 7
Wi Schrent Kohn Fahn Jehoava
(Isaiah 12:2)
-
1. Oa Gaad, Jehoava, Almaiti ahn chroo,
yoo da wi Sayvya, wi chros eena yoo.
Wee preech yu mesij ahn tel di gud nyooz,
weda dehn lisn er if dehn rifyooz.
(KOAROS)
Jehoava, wi Rak, wi schrent, ahn wi sheel,
yoo gi wi korij, powa, ahn zeel.
Wee da yu witnisiz, yoo da wi Gaad,
powa fahn yoo da weh schrentn wi haat.
-
2. Lait fahn yu chroan di shain brait oava wee;
spirichwal lait weh mek chroot klyaa fi si.
Wen wi tek taim fi du stodi ahn pray,
wee bil op kanfidens, korij, ahn fayt.
(KOAROS)
Jehoava, wi Rak, wi schrent, ahn wi sheel,
yoo gi wi korij, powa, ahn zeel.
Wee da yu witnisiz, yoo da wi Gaad,
powa fahn yoo da weh schrentn wi haat.
-
3. Wee gi wi laayal sopoat tu wi King.
Saytan mait mak wi bot wee noh giv een.
Hihn mait waahn kil wi bot stil wee noh frayd;
if wi stay laayal yu pramis fi sayv.
(KOAROS)
Jehoava, wi Rak, wi schrent, ahn wi sheel,
yoo gi wi korij, powa, ahn zeel.
Wee da yu witnisiz, yoo da wi Gaad,
powa fahn yoo da weh schrentn wi haat.
(Ada skripchaz: 2 Sam. 22:3; Ps. 18:2; Isa. 43:12.)
