1. Krais Jeezas mi teech wi fi preech di gud nyooz,

ih tel wi weh wee need fi du:

‘Goh saach fi di peepl weh hongri fi chroot,

tek yu taim, noh jos preech, teech dehn tu.

An if dehn aksep yu, an lisn ahn laan,

mek di blesin a Gaad toch dehn haat,

bot if dehn rijek yu ahn shoa yu bad fays,

shayk di dos fahn yu fut ahn moov aan.ʼ

2. ‘Di peepl weh welkom yu, welkom mee tuʼ—

di peepl dehn haftu disaid.

If dehn ga di rait haat kandishan fi laif,

ih wahn moov dehn fi preech bai wi said.

Ahn yoo noh fi wori bowt weh yu wahn seh,

kaa Jehoava wahn help yu fi taak—

laik nais food weh seezn wid jos inof saalt—

soh di mesij ku toch peepl haat.