SANG 75
“Si Mi Ya! Sen Mee!”
(Isaiah 6:8)
-
1. Dis wikid werl noh ga no shaym,
dehn noh rispek Jehoava naym.
Sohn peepl seh dat Gaad noh kay.
Som eevn seh dat Gaad noh deh.
Soh hoo wahn ansa Saytan klaym?
Ahn hoo wahn prayz Jehoava naym?
(KOAROS 1)
‘Laad, si mi ya! Sen mee, sen mee!
Ai gwehn goh witnis, sen mi pleez.
No grayta privʼlij deh fi mee, Laad.
Si mi ya! Sen mee, sen mee!ʼ
-
2. Som peepl seh how Gaad tu sloa,
bot dat jos meenz dat dehn noh noa.
Kaaz hihn da noh laik dehn faals gaad
ner hyooman govament ataal.
Soh hoo gwehn waan di nayshan dehn?
Ahn hoo wahn preech bifoa di en?
(KOAROS 2)
‘Laad, si mi ya! Sen mee, sen mee!
Ai gwehn goh waan dehn, sen mi pleez.
No grayta privʼlij deh fi mee, Laad.
Si mi ya! Sen mee, sen mee!ʼ
-
3. Wahn lata peepl sofa now
kaaz wikidnis deh rong ahn rong.
Bot som di saach fi fain di chroot,
dehn hombl bot dehn feel kanfyooz.
Soh hoo gwehn komfert aanis haats?
Ahn hoo wahn help dehn ton tu Gaad?
(KOAROS 3)
‘Laad, si mi ya! Sen mee, sen mee!
Ai gwehn goh teech dehn, sen mi pleez.
No grayta privʼlij deh fi mee, Laad.
Si mi ya! Sen mee, sen mee!ʼ
(Ada skripchaz: Ps. 10:4; Ezek. 9:4.)
