SANG 76
How Gud Yu Feel?
-
1. Tel mi how gud yu feel
wen yu preech ahn teech wid zeel,
wen yu noa yu du yu paat
fi reech wahn persn haat?
Wee gi wi Gaad wi bes,
chros dat hihn wahn du di res,
hoali spirit gi wi schrent
soh wi ku reprizent.
(KOAROS)
Wi klap wi han ahn wi rijais,
wi yooz wi haat ahn main ahn vais
fi aafa prayz ahn tanks tu yoo
ahn du di preechin tu.
-
2. Tel mi how gud yu feel
wen yu help sombadi heel,
wen yu yooz di Werd a Gaad
fi help dehn heel dehn haat?
Sohn peepl shet dehn doa;
dehn noh lisn enimoa.
Bot wi faytful, wee noh shaym
fi kehr Jehoava naym.
(KOAROS)
Wi klap wi han ahn wi rijais,
wi yooz wi haat ahn main ahn vais
fi aafa prayz ahn tanks tu yoo
ahn du di preechin tu.
-
3. Tel mi how gud yu feel,
dat yu lov fi Gaad soh reel,
ahn dat hihn ku pen pahn yu
fi du di werk wi du?
Wee fala Jeezas Krais,
spred di werd ahn shain wi lait,
preech tu peepl weh wi fain,
tel dehn dehn stil ga taim.
(KOAROS)
Wi klap wi han ahn wi rijais,
wi yooz wi haat ahn main ahn vais
fi aafa prayz ahn tanks tu yoo
ahn du di preechin tu.
(Ada skripchaz: Aks 13:48; 1 Tes. 2:4; 1 Tim. 1:11.)
