1. Fahn hows tu hows, fahn doa tu doa,

wi spred di Werd a Gaad.

Fahn tong tu tong an op di road,

wi luk fi aanis haats.

Da jos laik Jeezas Krais mi seh,

di Kingdom don di rool.

Soh weda yong er oal wi goh

ahn spred di Kingdom chroot.

2. Fahn hows tu hows, fahn doa tu doa,

wi teech Jehoava naym.

An if di peepl ton tu hihn,

da soh dehn kud geh sayv.

Bot how dehn kud rispek wahn naym

weh dehn noh eevn noa?

Wi haftu kehr Jehoava naym

tu evri hows ahn doa.

3. Soh mek wi goh fahn doa tu doa

ahn spred di Kingdom nyooz.

If peepl waahn geh kloas tu Gaad,

da dehn wahn haftu chooz.

At lees wi bayr Jehoava naym

ahn teech ih preshos chroot.

An az wi goh fahn doa tu doa,

Ih bles di werk wi du.