SANG 92
Wahn Plays Weh Ga Yu Naym
(1 Chronicles 29:16)
-
1. Jehoava, yu gi wi di privʼlij
fi serv yu ahn prayz yu dis way!
Wi bil disya plays fi yu wership,
fi aana yu moas hoali naym.
Wi werk ahn wi skilz ahn wi chrezhaz,
wateva wi aybl fi du,
da tingz weh yu gi wi soh freeli,
soh now, fahn wi haat, wee giv yoo!
(KOAROS)
Wi bil dis plays fi aana yoo,
wahn plays weh yu naym kud bee.
Wi dedikayt dis plays tu yoo;
pleez aksep dis gif fahn wee.
-
2. Soh eech taim wi kohn ya fi wership
ahn yooz disya plays fi yu prayz,
wi hoap dat wi naybaz wahn noatis
ahn giv aal di prayz tu yu naym.
Wi hoap dat wi wership wahn pleez yu,
wi pramis fi kip dis plays kleen
fi mek ih ku serv az wahn witnis
alang wid di mesij wi preech.
(KOAROS)
Wi bil dis plays fi aana yoo,
wahn plays weh yu naym kud bee.
Wi dedikayt dis plays tu yoo;
pleez aksep dis gif fahn wee.
(Ada skripchaz: 1 Ki. 8:18, 27; 1 Chron. 29:11-14; Aks 20:24.)
