SANG 95
Di Lait Geh Braita
-
1. Gaad servant dehn aalwayz inchrestid fi noa
da how Gaad wahn bring bak perfekshan.
Soh chroo aal di prafit Jehoava anonks
dat Jeezas wahn bee di solooshan.
Di taim don deh ya, di Mesaiya di rool,
ahn prafesi kip di kohn chroo.
Di aynjel dehn aalwayz mi waahn andastan
tingz Jehoava di teech mee ahn yoo!
(KOAROS)
Di road weh wi waak di geh braita;
di chroot shain az brait az di day.
Kohn si weh Jehoava di teech wi;
ih gaid wi eech step a di way.
-
2. Wi Laad, Jeezas Krais, ga wahn slayv weh provaid
di food weh wi need fi mek proagres.
Di lait a di chroot di geh braita wid taim;
ih help wi fi du tingz weh raichos.
Wid chros ahn wid kanfidens, faawod wi moov,
az wan wi di waak eena lait.
Wid tanks tu Jehoava wi haat oavafloa,
ahn wi luk tu wahn fyoocha weh brait!
(KOAROS)
Di road weh wi waak di geh braita;
di chroot shain az brait az di day.
Kohn si weh Jehoava di teech wi;
ih gaid wi eech step a di way.
(Ada skripchaz: Roam. 8:22; 1 Kor. 2:10; 1 Pee. 1:12.)
