Dongload:

• Myoozik Sheet

1. 1. Eena disya werl, peepl soh schres owt, an dehn fays deh eena gyaa.

   Adaz di chrai fi jos liv dehn laif, bot laif noh reeli fyaa.

   Den Jehoava werdz kohn bak tu mi, “Bee payshent, kaam, ahn kain.”

   Kaaz Jehoava kyaa fi yu, seh wahn pryaa fi mek yu ga pees a main.

   (KOAROS)

   Ih soh haad fi liv eena Saytan werl kaaz peepl rayl op ahn fait.

   Bot if yoo ku du it now, jos imajin how ih wahn feel eena paradais!

2. 2. Wen Ah reech da werk, evriting feel bles, bot Ah noa ih mait noh laas.

   Den rait deh soh wahn ting brok owt, bot Ah kyaahn get eena dat.

   Bot Ah noa dat laif ahn dis wikid werl mek peepl noh bee kain.

   Soh insteda fait di bes ting wi ku du da fi chrai fi eez dehn main.

   (KOAROS)

   Ih soh haad fi liv eena Saytan werl kaaz peepl rayl op ahn fait.

   Bot if yoo ku du it now, jos imajin how ih wahn feel eena paradais!

   (BRIJ)

   Di schrogl wid disya laif

   da wahn chalenj wi haftu fait.

   Sohntaim laif soh haad wi feel laik krai,

   bot Gaad wahn chaynj wi tyaaz tu jai.

3. 3. Den di weeken kohn ahn wi preech ahn teech bowt di paradais ahn moa.

   Bot even doa wi chrai, som a Saytan lai mek som peepl shet dehn doa.

   Bot di werd a Gaad tel wi playn ahn schrayt, ‘Lef bifoa wahn kwaaril staat.’

   Wen noh wud deh bowt, aal di faiya owt, ahn wi noa wi du wi paat.

   (KOAROS)

   Ih soh haad fi liv eena Saytan werl kaaz peepl rayl op ahn fait.

   Bot if yoo ku du it now, jos imajin how ih wahn feel eena paradais!

   (CHORUS)

   Ih soh haad fi liv eena Saytan werl kaaz peepl rayl op ahn fait.

   Bot if yoo ku du it now, jos imajin how ih wahn feel eena paradais!